Ivyabona vya Yehova barashiraho uburyo bwiza bwogufasha kumenya ivyo Bibiliya yigisha. Ivyigwa vya Bibiliya dutanga birashobora kugufasha:

•   Kugira ubuzima buhimbaye

•   Kuba umugenzi w’Imana

•   Kumenya ivyo Bibiliya isezerana muri kazoza

Aha munsi urahasanga inyishu z’ibi bibazo:

•  Ivyo vyigwa bigirwa gute?

•  Ivyo vyigwa vyoba bisaba amahera?

•  Icigwa kimara umwanya ungana gute?

•  Nobigenza gute kugira ntangure kwiga?

•  Vyoba vyokunda ko niga ivyigwa bikeyi kugira ndabe ko nobishima?

•  Nemeye kwiga Bibiliya, boba bazoca bampata ngo mbe Icabona ca Yehova?

•  Noba nokoresha Bibiliya yanje?

•  Noba notumira abandi ngo baze kwifatanya nanje ndiko ndiga Bibiliya?

•  Bite ho hamwe noba narigeze kwiga Bibiliya n’Ivyabona vya Yehova muri kahise? Noba nosubira kwiga?

•  Vyoba bikunda ko umuntu yiga Bibiliya ari wenyene?

 Uwukwigisha azogufasha gutahura neza Bibiliya uko muzogenda murarimbura iciyumviro kimwekimwe. Ukoresheje igitabu Urashobora kwiberaho ibihe bidahera uzogenda uramenya ivyo Bibiliya yigisha hamwe n’ukuntu bishobora kugufasha. Kugira umenye n’ibindi nurabe iyi videwo.

 Oya. Dukurikiza ivyo Yezu yabwiye abigishwa biwe. Yababwiye ati: “Mwahawe ku buntu, mutange ku buntu.” (Matayo 10:8) Abazokwigisha Bibiliya ntibahembwa kandi nta mahera bazogusaba kugira baguhe Bibiliya canke igitabu Urashobora kwiberaho ibihe bidahera.

 Ivyo vyigwa vyose ni 60. Ni we wihitiramwo ukuntu ivyo mwokwiga bizoba bingana, ariko abenshi bashima kwiga icigwa kimwe canke birenga mu ndwi.

1.  1. Niwuzuze kuri internet ahagenewe gusaba kwigishwa Bibiliya. Amakuru akwerekeye uzorungika tuzoyakoresha gusa mu kurondera uwogufasha.

2.  2. Uwuzokwigisha azokurondera. Azogusigurira ingene ivyo vyigwa bigenda kandi akwishure ibibazo vyose woba ufise.

3.  3. Murashobora kwivuganira n’uwukwigisha Bibiliya ingene mwokwiga. Murashobora kwiga muri kumwe canke mukoresheje telefone. Murashobora gukoresha ubundi buhinga bwa none mukayaga mubonana canke mukandikiranira kuri email. Mu bisanzwe, ivyigwa bimara nk’isaha ariko irashobora kudashika canke ikarenga bivanye nawe.

 Egome. Kugira bishoboke, niwuzuze kuri internet ahagenewe gusaba kwigishwa Bibiliya. Uvuganye n’uwuzokwigisha Bibiliya, numubwire ko wipfuza kubanza kwiga bikeyi kugira urabe ko bizokuryohera. Azoca akoresha agatabu Urashobora kwiberaho ibihe bidahera karimwo ivyigwa bitatu vy’intango kugira urabe nimba bizokuryohera.

 Oya. Twebwe Ivyabona vya Yehova turakunda kubwira abantu ivyerekeye Bibiliya. Ariko ntitwigera tubahata ngo baze mw’idini ryacu, ahubwo turabwira abandi ivyo Bibiliya yigisha tubigiranye icubahiro tuzi yuko umuntu wese afise uburenganzira bwo kwihitiramwo ivyo yokwemera.​—1 Petero 3:15.

 Ego, urashobora gukoresha Bibiliya yose wipfuza. Turakunda gukoresha Bibiliya y’isi nshasha kubera ko ihinduye mu buryo butarimwo amakosa kandi ikaba yoroshe gutahura. Naho ari ukwo turatahura ko abantu bashima gukoresha Bibiliya bamenyereye.

 Egome. Urashobora gutumira umuryango wawe wose canke abagenzi bawe.

 Mu bisanzwe, igitabu dukoresha ubu mu kwiga kirashobora kukuryohera kuruta ivyo twakoresha kubera ko cashizwe ku gihe kugira kirushirize gufasha abantu muri iki gihe. Kirimwo amafoto n’amavidewo agufasha kwiga kandi gitunganijwe mu buryo butuma ugira uruhara muri ico kiyago kuruta uko vyahora.

 Ego. Naho abenshi biga neza bari kumwe n’uwubigisha, hari abashima kubanza kwiga bari bo nyene. Ku rubuga rwacu rwa internet, mu gice kivuga ngo “Ibintu bifasha kwiga Bibiliya,” urahasanga ibintu vyinshi bigufasha kwiga Bibiliya. Ng’ibi ivyoshobora kugufasha:

•   Ivyigwa bishingiye kuri videwo. Utwo tuvidewo dutoduto turasigura inyigisho z’ishimikiro zo muri Bibiliya.

•   Inyishu z’ibibazo bishingiye kuri Bibiliya. Ivyo biganiro biratanga inyishu z’ibibazo bitandukanye bishingiye kuri Bibiliya.

•   Insobanuro y’imirongo yo muri Bibiliya. Urahasanga insobanuro y’amajambo n’imirongo yo muri Bibiliya abantu benshi bazi.