Umukozi w’ikompanyi ariko araduza ikontineri ifise ikiyo imbere akoresheje imashini. Bariko bagishira ahantu hakirurutse kandi hakingiwe kugira ngo abantu baje kuraba ingene ibikorwa biriko biragenda bazohahagarare. Ico kibanza catanguye gukora muri Rusama 2017, kandi gushika muri Myandagaro hari hamaze kwiyandikisha abantu barenga 17.000 kugira baze kuraba ibikorwa vyo kuri shantiye.

Abakozi b’ikompanyi bariko baraduza n’imashini idari bateranirije hasi kugira bayisase ku Nyubakwa y’uburaro ya F, ari na yo yatanguye kwubakwa. Kubera yuko ikibanza ari kinini, ayo madari barashobora kuyimura ningoga batarinze kuyasambura.

Inyubakwa zitanu z’uburaro ziriko zubakirwa icarimwe. Aha imbere, abakozi b’ikompanyi bariko barafatanya ivyuma imbere y’uko basuka beto y’umushinge w’Inyubakwa y’uburaro ya B. Amaja inyuma iburyo, bariko barasuka ibeto y’idari rya mbere ku Nyubakwa y’uburaro ya D. Amaja ibubamfu na ho, imashini iriko irashira uruhome rwa beto ahazoja icuma kiduza abantu mw’igorofa hamwe n’ingazi zo mu Nyubakwa y’uburaro ya E.

Umukozi ariko arasena ifatanirizo ry’amatiyo abiri ya plastike azocamwo amazi yo kuzimya umuriro. Ayo matiyo bayafatanya mu kuyashongesha n’umuriro. Baca basena iryo fatanirizo, bahejeje bagaca bapima ko rikomeye. Amatiyo yose bamaze gushiraho areha n’ibilometero bine.

Umukozi ariko arasukura umufurege mushasha utanyengeterwa n’amazi. Iyo mifurege ituma bashobora kwubaka amabarabara aca hejuru yayo, igatwara n’amazi y’imvura mu bidengeri vyabigenewe, bigatuma hatabaho imyuzure.

Umugabo n’umugore wiwe bariko barashira ikimenyetso ahazoja impome za koridoro.

Ifoto ya za nyubakwa zitanu z’uburaro uzirabiye hejuru mu buseruko. Muri Nyakanga, impome z’inyuma zari zarangiye kwubakwa. Bariko barubaka impome z’indani z’Inyubakwa y’uburaro ya F (inyuma iburyo) kandi bari baratanguye kuyitera iripu no kuyisiga amarangi. Muri ico gihe nyene, abakozi baratanguye kwubaka impome z’inyuma z’Inyubakwa y’uburaro ya E (inyuma ibubamfu) no kuyishirako amadirisha. Inyubakwa z’uburaro za B, C na D (imbere) zariko zirategurwa kugira ngo batangure kuzisiga amarangi no kuzishiramwo amatara n’amazi.

Robert Luccioni, umufasha muri Komite nshingwasohora y’Inama Nyobozi akaba n’umuhagarikizi w’Urwego rwo kw’isi yose rujejwe imigero n’ubwubatsi, ariko arashikiriza abubatsi insiguro yo kubaremesha. Urwo rwego ni rwo ruhagarikira itegurwa ry’imigero n’ubwubatsi bw’ibiro vy’amashami bishasha, rukitwararika ko vyose bikorwa neza kandi ntihabe ugusesagura.

Abakozi bariko basuka ibeto ahazoja inyubakwa yo kubikamwo umwuka (gaz), ivyuma vy’umuyagankuba hamwe n’ibikoresha bijanye n’ivya internet. Amaja iburyo, bariko barasuka ibeto ahazoja umushinge w’uruzitiro ruzotuma urwamo rw’ivyuma biri indani rudasohoka ari rwinshi.

Abafundi bariko barihweza imigero imbere yo gushira ikimenyetso ahazoja ivyuma bubakirako.

Umwubatsi ariko atera ivyuma ku mpome z’inyuma.

Bariko barashinga ibikwa bikikuza Inyubakwa y’uburaro ya E. Ivyo bikwa bituma abakozi bashobora gukorera ku mpome zo hanze borohewe.

Uwuriko arasiga ku madirisha mashasha ibintu vyo kuyakingira. Ivyo bintu vyumye bica bimera nk’isashe ikingira ayo madirisha ngo ntiyononekare mu kiringo c’ubwubatsi. Ubwubatsi burangiye baca babikurako.

Abubatsi bariko barapima ivyuma bitanga ubushuhe muri kimwe mu vyumba vy’uburaro. Bamaze kubiregera neza baca babipfuka na beto.

Uwuriko arakata igazo hafi y’irembo rikuru ryinjira ku biro vy’ishami. Iyo gazo ituma hatamera ivyatsi. Ivyo biragabanya akazi ko kwitwararika aho hantu, narirya ari hafi y’ibarabara ricamwo abantu benshi.

Uwuriko arapima ahazoca irembo rishikira ahari inyubakwa y’amabiro. Aca ahashira ikimenyetso agaca agisiga irangi kugira kiboneke neza. Muri iyo nyubakwa hazoba hariyo igikoni, uburiro n’icumba c’amanama. Inyuma hari inyubakwa z’uburaro.

Umugabo n’umugore wiwe bariko barategura kofraje bazosukamwo ibeto yo kwubaka irogare y’amatiyo azocamwo amazi y’imvura. Inyuma hari Inyubakwa y’uburaro ya E n’iya F zikikujwe n’ibisashe kugira ngo abariko barakorerayo ntibakanye cane mu kiringo c’urushana.

Bariko barigisha umuntu gukoresha icuma giterura ibintu. Ico cuma gikoreshwa mu guterura ibirokosima bipima nk’ibilo 70. Bamaze gushira ikirokosima mu kibanza caco, baca bashira isima ku mpande zaco kugira kigume.

Bariko barashira itiyo y’amazi mu kibanza cayo. Umwubatsi yayigumije kugira igume itumbereye aho bashaka. Amatiyo yose hamwe azokenerwa azoba areha n’ibilometero nka bitanu.

Umufundi ariko arakata amatafari akoresheje imashini. Ivyo bipande baca babikoresha mu gushariza ku mfuruka z’inyubakwa z’uburaro. Bazokoresha amatafari arenga 300.000 mu gushariza izo nyubakwa.