Imashini iriko irapakira ibivu mw’ibeni. Iryo vu rica rikoreshwa mu kuringaniza ahandi bazokwubaka kuri iyo shantiye.

Abafundi b’umuyagankuba bariko baraboha intsinga. Iyo nzu izokoreshwa nk’amabiro n’uburiro vy’imfatakibanza mu kiringo c’ubwubatsi, ikaba iri hafi y’ahazokwubakwa ibiro vy’ishami bishasha.

Rond-point nshasha hamwe n’ibarabara rija aho bazokwubaka ibiro vy’ishami, ubirabiye hejuru. Ibubamfu bw’iyo rond-point bariko barategura aho bazotera amashurwe, aho bazokwimba iki bassin n’aho abashitsi n’abandi bantu bazoza barahagarara bariko baraharatira ijisho.

Baramenagura ibihomvagurike vy’inyubakwa zari zihasanzwe bagaca babikoresha mu kwubaka amabarabara yo muri ico kibanza.

Bariko barubaka amabarabara y’imfatakibanza n’ayazogumaho. Babanza gusasa ikintu gituma isi ikomera. Amaja iburyo, imashini iriko iratsindagira aho bazosasa ico kintu.

Abipfuza kwitanga bariko bararonswa amakuru muri imwe mu nama 18 komite y’ubwubatsi yatunganije mu Bwongereza no muri Irlande. Ivyabona barenga 15.000 ni bo bitavye izo nama kandi abatari bake muri bo baremeye gufasha muri ivyo bikorwa.

Bariko barashira intabire iruhande y’igiti bahejeje gutera. Ico ni kimwe mu biti birenga 700 vyatewe muri ico kibanza. Iyo haguye imvura nyinshi, amazi aca atembera muri ico ki bassin, kigaca kiza kirarekura makemake, bigatuma hataba imyuzure.

Hiriwe igipfungu. Igikorwa co gukuraho ibivu kiraremvye kuko bariko barasozera gutaba ikibanza. Abakozi b’ikompanyi y’ubwubatsi bimvye ibivu bingana n’amatoni 160.000, ni ukuvuga nk’amabeni 10.000.

Bariko barategura ikibanza co guteramwo uduti dukikuza aho bazotera amashurwe arangwa muri ako karere. Muri ico kibanza no mu micungararo yaco bahateye ubwoko 11 bw’ibiti n’ubwoko 16 bw’amashurwe, vyose bikaba bisanzwe biba muri ako karere.

Ibubamfu, ikimashini kiriko kirimba ahazoja inkingi z’umushinge. Kibanza kwimba ikinogo kirekire gikoresheje uwo mutwero, kigaca kirungikayo ibeto. Nk’uko biboneka kw’ifoto iri hagati, baca bashingamwo amaferabeto. Baramaze kwimba ibinogo nk’ivyo birenga 360 bizojamwo inkingi z’imishinge y’inyubakwa z’uburaro.

Umufundi w’amazi ariko arateranya amatiyo azocamwo amazi aja ahari amabiro y’imfatakibanza, hakaba hari hazindutse imbeho y’igikonyozi.

Ikimashini kiriko kirakura ibicafu vyarundanye mu ki bassin kiri muri ico kibanza. Vyinshi muri ivyo bi bassin vyategerezwa gusubirwamwo kubera vyasa nabi cane. Gukomeza inkengera zavyo bizotuma zidasiduka vyongere bitume hataba imyuzure. Imbere y’uko ivyo bikorwa bitangura, babanje kwimurira mu kindi ki bassin ifi zirenga 2.500 zarimwo.

Mu buseruko bw’ikibanza bazokwubakamwo, ukiravye uri hejuru. Aha imbere, bariko barategura ahazoja umushinge w’inyubakwa zibiri z’uburaro. Amaja iburyo, imitwe y’inkingi z’umushinge iracaboneka. Ibubamfu na ho baramaze kuhabetona. Amaja hagati, ya mashini irabandanya kwimba ibindi binogo.

Uwuriko arazibira intoboro ziri ku bishimaryango vy’aho abashitsi bashikira, imbere yo kuhasiga irangi. Abashitsi bazoshobora kubona amafoto yerekeye iyo shantiye no kuraba ingene ubwubatsi buriko buragenda bari ahantu hakirurutse.

Bariko barateranya icuma gifasha ijeke kuzunguruka. Iyo jeke ireha n’imetero 40, ikaba ishobora guterura ibintu bipima amatoni 16.

Bariko bararinganiza za nkingi bazishira ku burebure bakeneye. Ivyo vyuma bishinze ni vyo bazokwungikanya n’ibindi nihagera ko baduza inkingi.

Bariko baramanika kimwe mu vyapa bibiri vya JW.ORG ku bihome vy’amabuye biri ku bwinjiriro bw’irembo rikuru.

Ya rond-point iri kw’ibarabara rica imbere y’irembo rikuru imaze kurangira. Hirya amaja ibubamfu hari vya vyapa bishasha vya JW.ORG biri kw’irembo ry’ibiro vy’ishami. Ico ki bassin hamwe n’iyo jardin nivyamara kurangira, bizotuma aho hantu haba heza cane.

Icuma gitambitse c’iyo jeke kireha n’imetero 65. Kizungurutse kiba gihetuye ikibanza kizokwubakwamwo zine mu nyubakwa zitanu z’uburaro. Aha imbere, abakozi b’ikompanyi y’ubwubatsi bariko barasuka ibeto ahazoja parkingi yo mu kuzimu y’imwe mu nyubakwa z’uburaro. Baramaze gushinga ivyuma bazokoresha mu kwubaka inkingi n’ibihome.