Zaburi 135:1-21
135 Shemeze Ya+!Nimushemeze izina rya Yehova+,Mushikane ishemezo, yemwe basavyi ba Yehova+,
2 Mwebwe abahagarara mu nzu ya Yehova+,Mu bigo vy’inzu y’Imana yacu+.
3 Shemeze Ya, kuko Yehova ari mwiza+.Nimuhibongoreze izina ryiwe, kuko bihimbaye+.
4 Kuko Ya yitoreye Yakobo+,Isirayeli ngo abe inyegu yiwe idasanzwe+.
5 Kuko jewe nzi neza yuko Yehova ahambaye+,Kandi ko Umukama wacu aruta izindi mana zose+.
6 Ivyo Yehova yahimbawe no gukora vyose yarabikoze+Mu majuru no mw’isi, mu biyaga no mu nyenga z’amazi zose+.
7 Atuma imyuka iduga kuva ku mpera y’isi+;Yakoreye imvura ingomero+;Asohora umuyaga mu bigega vyiwe+,
8 We yariritse imfura za Misiri+,Umuntu hamwe n’igitungwa+.
9 Yarungitse ibimenyetso n’ibitangaro hagati yawe, ewe Misiri+,Kuri Farawo no ku basavyi biwe bose+;
10 We yariritse amahanga menshi+Akica abami b’abanyabushobozi+,
11 Mbere na Sihoni umwami w’Abamori+Na Ogi umwami wa Bashani+N’ubwami bwose bw’i Kanani+,
12 Ari na we yatanze igihugu cabo bwa ntoranwa+,Intoranwa ihawe Isirayeli igisata ciwe+.
13 Ewe Yehova, izina ryawe ni iryo gushika igihe kitagira urugero+.Ewe Yehova, icibutso cawe ni ic’iyaruka ku rindi+.
14 Kuko Yehova azoburanira abantu biwe+,Kandi azokwicuza ku vyerekeye abasavyi biwe+.
15 Ibigirwamana vy’amahanga ni ifeza n’inzahabu+,Igikorwa c’amaboko y’umuntu yakuwe mw’ivu+.
16 Umunwa birafise, mugabo nta co bishobora kuvuga+;Amaso birafise, mugabo nta co bishobora kubona+;
17 Amatwi birafise, mugabo nta co bishobora gutega ugutwi+.Kandi nta mpwemu iri mu kanwa kavyo+.
18 Ababikora bazomera nka vyo+,Umuntu wese avyizigira+.
19 Ewe nzu ya Isirayeli, nimuhezagire Yehova+!Ewe nzu ya Aroni, nimuhezagire Yehova+!
20 Ewe nzu ya Lewi, nimuhezagire Yehova+!Mwebwe abatinya Yehova, nimuhezagire Yehova+!
21 Yehova ahezagirwe kuva i Siyoni+,We yibera i Yeruzalemu+.Shemeze Ya+!
