Zaburi 47:1-9
Ku muyobozi. Ni izaburi ya bene Kora. Agahibongozo.
47 Yemwe bisata vy’abantu mwese, nimukome amashi+.Nimukomere Imana akaruru k’intsinzi, hariko n’ijwi ry’akamo k’umunezero+.
2 Kuko Yehova, we Musumbavyose, ateye ubwoba+,Akaba ari Umwami akomeye agaba isi yose+.
3 Azomara igabo ibisata vy’abantu munsi yacu+,N’imiryango y’amahanga munsi y’ibirenge vyacu+.
4 Azoduhitiramwo intoranwa yacu+,Ivyishimo vya Yakobo, uwo yakunze+. Sela.
5 Imana yaduze n’akaruru k’umunezero+,Yehova yaduze n’ijwi ry’inzamba+.
6 Hibongoreze Imana, hibongoze+!Hibongoreze Umwami wacu, hibongoze!
7 Kuko Imana ari Umwami w’isi yose+;Hibongoze, mukorana ukwiyubara+.
8 Imana icitse umwami ku mahanga+.Imana ubwayo ifashe icicaro ku ntebe y’ubwami yayo nyeranda+.
9 Abanyacubahiro b’ibisata vy’abantu barakoranye+,Hamwe n’abantu b’Imana ya Aburahamu+.Kuko inkinzo z’isi ari iz’Imana+.Yaduze hejuru cane+.
