Gucura intimba 3:1-66
א [Alefu]
3 Ni jewe nabonye amarushwa kubera inkoni y’uburake bwiwe.
2 Yaranyomoye ancisha mu mwiza, ntiyancisha mu muco+.
3 Emwe, ukuboko kwiwe kuguma kundwanya bukarinda bwira+.
ב [Beti]
4 Yatumye umubiri wanje n’urukoba rwanje bihera.Yavunaguye amagufa yanje.
5 Yaranyugarije, ankikuza ishano rirura+ n’amagume.
6 Yanyicaritse mu bibanza vy’umwiza, nk’abantu bapfuye kera.
ג [Gimelu]
7 Yanzitije uruhome kugira sincaruke.Yambohesheje amapingu y’umujumpu+ aremereye.
8 Kandi iyo ndamutakambiye nihebuye, aranka kwumviriza* isengesho ryanje+.
9 Yazibije inzira zanje amabuye abajwe.Yagoramitse amabarabara yanje+.
ד [Daleti]
10 Abunze nk’idubu, nk’intambwe yihishije, ngo ancakire+.
11 Yankuye mu nzira ndimwo arantabagura*.Yatumye nsigara ndi inyakamwe+.
12 Yateguye umuheto* wiwe, andabishako umwampi.
ה [He]
13 Yatobekeranije amafyigo yanje akoresheje imyampi yo mu gasaho* abikamwo imyampi.
14 Nahindutse agatwengo ku mahanga yose. Ni jewe baririmba bukarinda bwira.
15 Yanyujuje ibintu birura, ampaza ibamba*+.
ו [Vau]
16 Avunaguza amenyo yanje urucekeri.Atuma nituna mu minyota+.
17 Utuma mbura amahoro. Naribagiye iciza.
18 Ni co gituma mvuga nti: «Ubwiza bwanje n’ivyo niteze kuri Yehova vyakamanganye.»
ז [Zayini]
19 Niwibuke amarushwa yanje no kuba ntagira aho mba+, wibuke ko ndya ibamba n’ishano rirura+.
20 Uzokwibuka vy’ukuri, wuname unshikire+.
21 Ndavyibuka mu mutima. Ni co gituma nzoguma ndindiriye+.
ח [Heti]
22 Urukundo rwa Yehova rudahera* ni rwo rwatumye tudahona+,kuko imbabazi ziwe zitigera zihera+.
23 Zama ari nshasha buri gitondo+. Ubwizigirwa bwawe ni bwinshi+.
24 Navuze nti: «Yehova ni we mugabane wanje+, ni co gituma nzoguma ndamurindiriye+.»
ט [Teti]
25 Yehova ni mwiza ku wumwizigira+, ku wuguma amurondera+.
26 Ni vyiza ko umuntu arindira ubukiriro bwa Yehova+ acereje*+.
27 Ni vyiza ko umuntu yikorera umutwaro* mu buto bwiwe+.
י [Yodi]
28 Imana iwumuremetse, niyicare ari wenyene kandi agume acereje+.
29 Nashire umunwa mu mukungugu+. Kumbure haracariho icizigiro+.
30 Nahe itama ryiwe uwumukubita. Niyemere atukwe bikwiye.
כ [Kafu]
31 Kuko Yehova atazodushibura ibihe bidahera+.
32 Naho yaduteje intuntu, azotugirira n’imbabazi kubera urukundo* rwiwe rwinshi+.
33 Kuko guteza amarushwa abana b’abantu canke kubatuntuza bitamurimwo+.
ל [Lamedi]
34 Gusiribanga imbohe zose zo kw’isi+,
35 kurenganya umuntu imbere ya Musumbavyose+,
36 no kugoreka urubanza rw’umuntu,Yehova ntavyihanganira.
מ [Memu]
37 Ni nde none yovuga ikintu kandi agatuma kiba, Yehova atari we abitegetse?
38 Mu kanwa ka Musumbavyosentihavamwo ibibi n’ivyiza icarimwe.
39 Kubera iki umuntu* yokwidogera ingaruka z’igicumuro ciwe+?
נ [Nuni]
40 Dusuzume inzira zacu+, tuzihweze neza maze tugaruke kuri Yehova+.
41 Tuduze ibiganza vyacu n’imitima yacu ku Mana yo mw’ijuru+, tuvuge duti:
42 «Twaracumuye turagarariza+, nawe ntiwatubabarira+.
ס [Sameki]
43 Kubera ishavu waratuzibiye ngo ntidushike iwawe+.Waratwirutseko, uratwica ata kagongwe+.
44 Inzira ishika iwawe wayizibije ibicu kugira ngo isengesho ryacu ntirirengane+.
45 Utugira imicafu n’umwanda mu mahanga.»
פ [Pe]
46 Abansi bacu bose barasama ngo batugirire nabi+.
47 Ubwoba n’imitego vyama biduhanze+, kandi twaratikiye turasenyagurika+.
48 Amaso yanje atemba imigezi y’amazi kubera ugusenyuka kw’abantu b’iwacu*+.
ע [Ayini]
49 Amaso yanje aguma arira, ntaruhuka+.
50 Azoguma arira gushika Yehova aravye hasi, akabona ibiriko biraba ari iyo mw’ijuru+.
51 Amaso yanje yanteye intuntu kubera abakobwa bose bo mu gisagara canje+.
צ [Tsade]
52 Abansi banje bampize nka kurya bahiga inyoni, kandi ata gituma.
53 Banumirije ubuzima bwanje mu kinogo. Baguma bantera amabuye.
54 Amazi yararengeye umutwe wanje, mvuga nti: «Ubwanje buraheze!»
ק [Kofu]
55 Ewe Yehova, nahamagaye izina ryawe ndi epfo cane mu cobo+.
56 Niwumve ijwi ryanje. Ntiwizibe ugutwi igihe ndagutabaza, igihe nsaba kuruhurirwa.
57 Umusi naguhamagara, waregereye. Wavuze uti: «Ntutinye.»
ר [Reshi]
58 Ewe Yehova, waramburaniye, ucungura ubuzima bwanje+.
59 Ewe Yehova, warabonye ikibi nakorewe. Ndagusavye untunganirize+.
60 Warabonye ukwihora kwabo kwose, imigambi yabo yose yo kungirira nabi.
ש [Sini] canke [Shini]
61 Ewe Yehova, warumvise agacokoro kabo, imigambi yabo yose yo kungirira nabi+.
62 Warumvise iminwa y’abandwanya n’ivyo bamvugako mu bwongoshwe bukarinda bwira.
63 Nubitegereze. Baba bicaye canke bahagaze, barancokora mu ndirimbo zabo.
ת [Tau]
64 Ewe Yehova, uzobasubiriza mu nkoko ibihuye n’ivyo bakoze.
65 Uzokomantaza umutima wabo. Uwo ni wo muvumo uzobavuma.
66 Uzobakurikirana ushavuye, ubazimanganye munsi y’ijuru ryawe Yehova.
Utujambo tw'epfo
^ Canke «arazibira», «arugaranira hanze.»
^ Hashobora kandi kuvugwa ngo «angira nk’umurima waraye.»
^ Canke «yagonze umuheto.» Mu giheburayo havuga ngo «yahonyoye umuheto (igihe bawambika uruvuto).»
^ Mu giheburayo havuga ngo «abahungu (abana) b’agasaho.»
^ Canke «umururazi.»
^ Canke «rudahemuka.»
^ Canke «yihanganye.»
^ Mu giheburayo havuga ngo «ingogo.» Raba Insiguro y’amajambo (Ingogo).
^ Canke «urukundo rudahemuka (rudahera).»
^ Mu giheburayo havuga ngo «umuntu muzima.»
^ Mu giheburayo havuga ngo «kw’umukobwa w’abantu banje.»
