Hoseya 11:1-12
11 «Nakunze Isirayeli kuva akiri agahungu gatoyi+,kandi nahamagaye umwana wanje ngo ave mu Misiri+.
2 Uko barushiriza* guhamagara Abisirayeli,ni ko Abisirayeli barushiriza kubahunga+.
Bagumye bashikanira ibimazi ibishusho vya Bayali+,bagashikanira ibimazi ibishusho bibajwe+.
3 Ariko ni jewe nigishije Abefurayimu gutambuka+, ndabaterura mu maboko yanje+,mugabo ntibamenye ko ari jewe nabakijije.
4 Nagumye ndabakwegesha imigozi y’abantu*, imigozi y’urukundo+.Nababereye nk’uwubakura ingogo* kw’izosi*,ndaheza ndabazanira imfungurwa ndabigiranye impuhwe*.
5 Ntibazosubira mu Misiri, ahubwo Ashuri ni yo izobabera umwami+,kuko banse kungarukako+.
6 Inkota izozunguruka mu bisagara vyabo+,itemagure ivyugazo vyabo yongere ibatikize kubera imigambi yabo mibi+.
7 Abantu banje biyemeje kumpemukira+.
Naho babahamagara ngo bagaruke kuri Musumbavyose*, nta n’umwe ahaguruka.
8 Noguheba gute ga Efurayimu+?
Ewe Isirayeli, nogutanga gute ku bansi bawe?
Noshobora gute kugufata nka Adima?
Noshobora gute kukugira nka Zeboyimu+?
Narahinduye ivyiyumviro,ubwo nyene impuhwe zanje zica ziravyuka*+.
9 Sinzogira nk’uko ishavu ryanje rigize.
Sinzosubira guhonya Efurayimu+,kuko ndi Imana, ntari umuntu.Ndi wa Mweranda hagati yanyu,kandi sinzobahana nashavuye.
10 Bazogendera inyuma ya Yehova, kandi azoroha nk’intambwe+.Niyaroha, abana biwe bazoza barajugumira bavuye mu burengero+.
11 Nibava mu Misiri, bazoza barajugumira nk’inyoni.Bazojugumira nk’inuma nibava mu gihugu ca Ashuri+,kandi nzotuma bibera mu mazu yabo», ni ko Yehova avuze+.
12 «Efurayimu yankikuje ibinyoma,Abisirayeli na bo bankikuza ububeshi+.
Ariko Yuda aracagendana n’Imana,kandi ni umwizigirwa kuri wa Mweranda cane+.»
Utujambo tw'epfo
^ Ni ukuvuga abahanuzi hamwe n’abandi Imana yarungitse kwigisha Abisirayeli.
^ Canke «imigozi y’ubuntu.» Biboneka ko yari imigozi abavyeyi bakoresha mu kwigisha abana babo gutambuka.
^ Raba Insiguro y’amajambo.
^ Mu giheburayo havuga ngo «mu mibangabanga.»
^ Canke «ukwengenga.»
^ Mu giheburayo havuga ngo «naho babahamagara ngo baje hejuru.» Ni ukuvuga ugusenga kw’ukuri kuri hejuru.
^ Mu giheburayo havuga ngo «zica zirashuha.»
