Hoseya 12:1-14
12 «Efurayimu arya umuyaga.
Yirirwa ariruka inyuma y’umuyaga wo mu buseruko.
Yuzuye ibinyoma n’ubukozi bw’ikibi.
Bagirana isezerano na Ashuri+, bakajana amavuta mu Misiri+.
2 Yehova afitaniye imburano na Yuda+.Azocira urubanza Yakobo yisunze inzira ziwe,kandi azomwishura yisunze ivyo yakoze+.
3 Yafashe mwenewabo igitsintsiri bari mu nda+,kandi yaranyinyanye n’Imana n’inguvu ziwe zose+.
4 Yagumye anyinyana n’umumarayika kandi aramutsinda.
Yararize yongera aramutakambira ngo amugirire ubuntu+.»
Imana yamusanze i Beteli, kandi aho ni ho yavuganiye natwe+,
5 emwe Yehova Imana Nyeningabo+.Yehova ni ryo zina yibukirwako+.
6 «Nugaruke rero ku Mana yawe+,ugendere urukundo* n’ubutungane+,kandi wame wizigira Imana yawe.
7 Ariko mu minwe y’abadandaza hari iminzane yiba,kandi bakunda guca abantu amaboko+.
8 Efurayimu aguma avuga ati: “Emwe, narabaye umutunzi+.Nararonse itunga ryinshi+,
kandi nta kibi canke igicumuro wosanga mu vyo nkora vyose.”
9 Ariko jewe ndi Yehova Imana yanyu kuva mukiri mu Misiri+.
Nzotuma musubira kuba mu mahema,nko mu gihe c’imisi mikuru yashinzwe.
10 Naravuganye n’abahanuzi+,ndagwiza ukwerekwa,kandi naravuze imigani biciye ku bahanuzi.
11 I Gileyadi huzuye ububeshi*+ n’ibinyoma.
I Gilugali bahatangiye ibimazi vy’impfizi z’inka+,kandi ibicaniro vyabo bimeze nk’ibirundo vy’amabuye biri mu maburi yo mu murima+.
12 Yakobo yahungiye mu karere ka Aramu*+.Isirayeli+ yakoreyeyo ibikorwa kugira aronke umugore+,aragira intama kugira amuronke+.
13 Yehova yakuye Isirayeli mu Misiri biciye ku muhanuzi+,kandi yamurinze biciye ku muhanuzi+.
14 Efurayimu yarababaje Imana cane+,kandi n’ubu aracagirwa n’amaraso.Umukama wiwe azomuhanira iceyi yamusize+.»
Utujambo tw'epfo
^ Canke «urukundo rudahemuka (rudahera).»
^ Canke «ibintu vy’amageza.»
^ Canke «Siriya.»
