Hoseya 5:1-15
-
Urubanza rwaciriwe Efurayimu na Yuda (1-15)
5 «Nimwumve ibi, yemwe baherezi+!Nimutege ugutwi, yemwe Bisirayeli!Nimwumvirize, yemwe abo ku kirimba* c’umwami,kuko urubanza ari mwebwe rwerekeye.Nkako, mwabereye umutego Mizipa,muba n’urusenga ruteze hejuru ya Tabora+.
2 Abagarariji* barisutse cane mu bwicanyi,kandi bose ndabagabishije*.
3 Efurayimu ndamuzi,kandi na Isirayeli ntiyonyinyegeza.
Ewe Efurayimu, erega warisutse mu busambanyi*,Isirayeli na we yarihumanije+.
4 Ibikorwa vyabo ntibibakundira kugaruka ku Mana yabo,kuko bafise agatima* k’ubumaraya*+,kandi ntibubaha Yehova.
5 Ubwishime bwa Isirayeli buramwagiriza+.Isirayeli na Efurayimu baratsitaye kubera ikosa ryabo,kandi na Yuda yatsitaranye na bo+.
6 Bagiye kurondera Yehova batwaye amasho y’intama n’inka,ariko baramubuze.
Yari yabahevye arigira+.
7 Barahemukiye Yehova+,kuko bavyaye abana b’abanyamahanga.
Ubu rero bo hamwe n’amatongo* yabo bizoyogera mu kwezi kumwe.
8 Nimuvugirize inzamba+ i Gibeya, muvugirize urumbete i Rama+!
Nimuvugirize akaruru k’intambara i Beti-Aveni+ muti: “Turi inyuma yawe Benyamini!”
9 Ewe Efurayimu, umusi uzohanwa, abantu bazokwumirwa nibakubona+.
Naramenyesheje imiryango ya Isirayeli ibibwirizwa gushika.
10 Abaganwa b’Ubuyuda bameze nk’abantu bimura urubibe+.
Nzobasukako ishavu ryanje nka kurya kw’amazi.
11 Efurayimu arahahazwa, kandi birabereye ko ajanjagurwa,kuko yiyemeje kwifatanya n’umwansi+.
12 Efurayimu namubereye nk’agakoko karya impuzu,abantu bo mu Buyuda na bo ndababera nk’ukubora.
13 Igihe Efurayimu yabona indwara yiwe, Yuda na we akabona igisebe ciwe,Efurayimu yaciye aja i Ashuri+, arungika intumwa ku mwami ahambaye.
Ariko uwo mwami ntiyashoboye kubavura,canke ngo abakize igisebe canyu.
14 Nzoba nk’intambwe y’umukangara kuri Efurayimu,mbe nk’intambwe ikomeye* ku bantu bo mu Buyuda.
Jewe ubwanje nzobatabagura maze nigire+.Nzobatwara kandi nta n’umwe azobarokora+.
15 Nzokwigira nisubirire iwanje, gushika babonye ingaruka z’igicumuro cabo.Na bo bazoheza barondere ko ndabagirira ubuntu+.
Nibabona bageze habi bazondondera+.»
Utujambo tw'epfo
^ Mu giheburayo havuga ngo «abo mu nzu.»
^ Canke «abampeba.»
^ Canke «bose nzobahana.»
^ Canke «mu buhumbu», «mu bumaraya.»
^ Canke «impwemu.»
^ Canke «k’ubuhumbu», «k’ubusambanyi.»
^ Canke «n’imirima.»
^ Canke «intambwe y’umukangara ifise ivyoya kw’izosi.»
