Hoseya 7:1-16
7 «Igihe cose ngira nkize Isirayeli,ikosa rya Efurayimu rica rija ahabona+hamwe n’ububisha bwa Samariya+.
Kuko ari ababeshi gusa+.Abasuma baramena inzu, utugwi tw’abambuzi tukabundira abantu hanze+.
2 Ariko ntibiyumvira ko nzokwibuka ibibi vyose bakora+.
Ubu rero ibibi bakora vyabatangatanze irya n’ino.Emwe, biri ng’aha imbere y’amaso yanje.
3 Banezereza umwami biciye ku bubisha bwabo,bakanezereza abaganwa biciye ku bubeshi bwabo.
4 Bose bararenga ibigo.Bararurumba nk’ifuru yakijwe n’uwotsa imikate,agaca areka kwegenyeza kuva agicumba igikandu gushika kivyimvye.
5 Ku musi mukuru w’umwami wacu, abaganwa bararwaye:Barashangashiwe kubera umuvinyu+.
Umwami yarifatanije n’abacokoranyi.
6 Bamwegera bafise umutima ururumba nk’ifuru*.
Uwotsa imikate amara ijoro ryose yiryamiye,mu gitondo ifuru ikarurumba nk’umuriro.
7 Bose barashushe nk’ifuru,kandi bararotsa abatware* babo.
Abami babo bose baratemvye+,ariko nta n’umwe yigera antabaza+.
8 Efurayimu yivanga n’amahanga+.
Efurayimu ameze nk’agakate kiburungushuye kokeje uruhande rumwe.
9 Abanyamahanga baramumariyeko utwiwe+, ariko nta vyo amenya.
Imishatsi yiwe yarahindutse imvi, ariko nta vyo abona.
10 Ubwishime bw’Abisirayeli bwarabagirije+,ariko ntibigeze bagaruka kuri Yehova Imana yabo+,kandi naho ivyo vyose vyabashikiye ntibigeze bamurondera.
11 Efurayimu ameze nk’inuma y’igihwiji, itagira ubwenge*+.
Batabaje Misiri+ bongera basaba Ashuri ngo ibafashe+.
12 Aho bazoja hose, nzosanza urusenga rwanje hejuru yabo.
Nzobakororera hasi nk’inyoni zo mu kirere.
Nzobahana nk’uko nyene nabibabwiye*+.
13 Baragowe, kuko bampunze!
Bazotikira, kuko bancumuyeko!
Nari niteguriye kubarokora, ariko bamvuzeko ibinyoma+.
14 Bagumye baborogera ku bitanda vyabo,ariko ntibantabaje n’umutima wabo wose+.
Bagumye bikebagura kugira bimbure intete nyinshi n’umuvinyu mwinshi,ariko jewe barangarariza.
15 Narabigishije nongera ndakomeza amaboko yabo,ariko bo bagumye bangarariza, biyumvira gukora ibibi.
16 Barahinduye inzira, ariko ntibafashe inzira nziza kuruta*.Ntibabaye abo kwizigirwa, babaye nk’umuheto wabohotse+.
Abaganwa babo bazokwicwa n’inkota kubera amajambo yabo y’akagaye.
Ni co gituma bazobatwengera mw’ijigo mu gihugu ca Misiri+.»
Utujambo tw'epfo
^ Hashobora kandi kuvugwa ngo «imitima yabo irarurumba nk’ifuru igihe bamwegera bateguye imigambi mibi.»
^ Mu giheburayo havuga ngo «abacamanza.»
^ Mu giheburayo havuga ngo «itagira umutima.»
^ Mu giheburayo havuga ngo «nabibwiye ishengero ryabo.»
^ Ni ukuvuga ugusenga kw’ukuri kuri hejuru.