Imigani 10:1-32
10 Imigani ya Salomo+.
Umwana w’ubwenge* anezereza se+,ariko umwana w’ikijuju atera intuntu nyina.
2 Itunga umuntu aronse mu nzira mbi nta co rimara,ariko ubugororotsi ni bwo bukiza umuntu urupfu+.
3 Yehova ntazoreka umugororotsi ngo yicwe n’inzara+,ariko ababisha azobima ivyo bahahamira.
4 Amaboko y’ikinebwe atera ubukene+,ariko amaboko y’umunyamwete aratungisha+.
5 Umwana w’ubwenge* yegeranya umwimbu mu ci,ariko umwana ateye isoni asinzira umukondorazosi mu gihe c’iyimbura+.
6 Imihezagiro iri ku mutwe w’umugororotsi+,ariko akanwa k’umubisha gahisha ubukozi bw’ikibi.
7 Umugororotsi azokwibukwa kandi azovugwa neza+,ariko izina ry’umubisha rizozimangana+.
8 Umuntu w’umunyabwenge* yubahiriza amategeko*+,ariko uwuvuga ivy’ubupfu azokwibonerako*+.
9 Umuntu w’intungane azokwiberaho mu mutekano+,ariko uwugendera mu nzira zigoramye azohinyuka+.
10 Uwuvunagura ingohe mu ntumbero mbi atera umubabaro+,kandi uwuvuga ibintu vy’ubupfu azokwibonerako+.
11 Akanwa k’umugororotsi ni isoko ry’ubuzima+,ariko akanwa k’umubisha gahisha ubukozi bw’ikibi+.
12 Urwanko ni rwo rutera amahane,ariko urukundo rupfuka ibicumuro vyose+.
13 Ubukerebutsi bubarizwa ku minwa y’umuntu afise ugutahura+,ariko inkoni igenewe umugongo w’imburabwenge*+.
14 Abanyabwenge* bazigama ubumenyi+,ariko akanwa k’ibipfu kikwegera ivyago+.
15 Itunga* ry’umutunzi ni co gisagara ciwe gikomeye,
ariko abakene bicwa n’ubukene bwabo+.
16 Igikorwa c’umugororotsi kivamwo ubuzima,ariko ibikorwa vy’umubisha bivamwo igicumuro+.
17 Uwemera gutozwa indero ni inzira ijana ku buzima*,ariko uwanka gukosorwa azimiza abandi.
18 Uwuhisha urwanko rwiwe aba ari umubeshi+,kandi uwukwiragiza amajambo ababaza* aba ari ikijuju.
19 Mu majambo menshi ntihaburamwo ugucumura+,ariko uwugumya ururimi rwiwe aba ari umunyabwenge+.
20 Ururimi rw’umugororotsi rumeze nk’ifeza nzizanziza+,ariko umutima w’umubisha ni nk’aho ata co umaze.
21 Iminwa y’umugororotsi igaburira* benshi+,ariko ibipfu vyicwa n’ukubura ubwenge+.
22 Umuhezagiro wa Yehova ni wo utungisha+,kandi nta mubabaro* awongerako.
23 Ku kijuju, gukora ibintu biteye isoni ni nko kwikinira,ariko umuntu afise ugutahura akorana ubukerebutsi+.
24 Ivyo umubisha atinya ni vyo bimuzako,ariko umugororotsi azoronswa ivyo yipfuza+.
25 Igihuhusi nicarengana, umubisha ntazosubira kubaho+,ariko umugororotsi ni umushinge wamaho+.
26 Kurya inkarihe y’umuvinyu imeze ku menyo, n’umwotsi ku maso,ni ko ikinebwe kimeze ku wagitumye*.
27 Gutinya Yehova bituma umuntu aramba+,ariko imyaka y’ababisha izogabanywa+.
28 Ivyo abagororotsi biteze* bitera umunezero+,ariko icizigiro c’ababisha kizozimangana+.
29 Inzira ya Yehova ni igihome gikomeye ku bantu b’intungane+,ariko ku banyakibi isobanura agatikizo+.
30 Umugororotsi ntazokwigera atemba+,ariko ababisha bazorandurwa kw’isi+.
31 Akanwa k’umugororotsi kavuga* ivy’ubwenge*,ariko ururimi ruvuga ibigoramye ruzokurwaho.
32 Iminwa y’umugororotsi iramenya ibibereye,ariko akanwa k’umubisha kavuga ibigoramye.
Utujambo tw'epfo
^ Canke «w’inkerebutsi.»
^ Canke «afise ugutahura kwimbitse.»
^ Mu giheburayo havuga ngo «amabwirizwa.»
^ Canke «azohonyangwa.»
^ Canke «w’inkerebutsi.»
^ Mu giheburayo havuga ngo «w’abatagira umutima.»
^ Canke «inkerebutsi.»
^ Canke «ibintu vy’agaciro.»
^ Hashobora kandi kuvugwa ngo «aba ari mu nzira ijana ku buzima.»
^ Canke «uwukwiragiza ibihuha.»
^ Canke «iyobora.»
^ Canke «nta ntuntu», «nta ngorane.»
^ Canke «ku wugikoresha.»
^ Canke «bizigiye.»
^ Canke «kama.»
^ Canke «ivy’ubukerebutsi.»
