Imigani 18:1-24
18 Uwigunga aba arondera guhaza ivyipfuzo vyiwe bibi,kandi arwanya* impanuro nziza zose*.
2 Umuntu w’ikijuju ntahimbarwa n’ugutegera.Ahitamwo guserura ibiri mu mutima wiwe+.
3 Umubisha n’agateterwe biragendana,kandi uwukoze ibintu biteye isoni aba yisize iceyi+.
4 Amajambo y’umuntu ameze nk’amazi y’ibenga+.
Isoko ry’ubukerebutsi rimeze nk’umugezi utemba.
5 Si vyiza kugirira nkunzi umubisha+,canke kurenganya umugororotsi+.
6 Amajambo y’ikijuju akwega amahane+,kandi akanwa kaco kagikwegera inkoni+.
7 Akanwa k’ikijuju kagikwegera guhona+,kandi iminwa yaco ni umutego ku buzima bwaco.
8 Amajambo y’umubeshi* ameze nk’ivyo kurya biryoshe*+:umuntu arabimira ubwo nyene bigaca bimanuka mu nda+.
9 Umuntu anebwa ku gikorwa ciweaba yigize mwenewabo n’umwambuzi+.
10 Izina rya Yehova ni umunara ukomeye+.
Umugororotsi arawuhungiramwo agakingirwa*+.
11 Itunga ry’umutunzi ni co gisagara ciwe gikomeye.Mu bwenge bwiwe rimeze nk’uruhome rumukingira+.
12 Ubwibone mu mutima w’umuntu bumushikana ku gutemba+,ariko ukwicisha bugufi kumushikana ku buninahazwa+.
13 Uwishura atarumva neza uko ibintu vyifashe,aba ari ikijuju kandi aba yimaramaje+.
14 Umutima uremye utuma umuntu yihanganira indwara+,ariko umutima utuntuye*, ni nde yowihanganira+?
15 Umutima w’umuntu aciye ubwenge* uraronka ubumenyi+,kandi ugutwi kw’umuntu w’inkerebutsi kurarondera ubumenyi.
16 Ingabire y’umuntu iramucira inzira+.Ituma ashikira abantu bakomakomeye.
17 Uwutanguye kuvuga mu rubanza womenga ari mu kuri+,gushika uwo baburana aje akamuhinyuza*+.
18 Ubupfindo burarangiza impari+,bukabanguranya* abakomeye bari bahanganye.
19 Kugarura umuvukanyi yababaye biragoye kuruta gufata igisagara gikingijwe ibihome+,kandi hariho amatati ameze nk’ivyugazo vy’igisagara gikomeye+.
20 Amajambo ava mu kanwa k’umuntu atuma inda yiwe ihaga+.Azohazwa n’ivyo iminwa yiwe yama.
21 Urupfu n’ubuzima biri mu bubasha bw’ururimi+.Abakunda kurukoresha bategerezwa kwemera ingaruka zarwo+.
22 Uwuronse umugore mwiza aba aronse ikintu c’agaciro+,kandi Yehova aramushima*+.
23 Umukene avuga yinginga,ariko umutunzi akamwishura amukarira.
24 Hariho abagenzi baguma barondera kumarana+,ariko hariho umugenzi akwumirako kuruta uwo muvukana+.
Utujambo tw'epfo
^ Canke «asuzugura.»
^ Canke «ubukerebutsi nyabwo bwose.»
^ Canke «nk’ibintu vyo kumiragurana umunoho.»
^ Canke «uwambika ibara abandi.»
^ Mu giheburayo havuga ngo «agashirwa hejuru.» Ni ukuvuga ahantu ata wohashika, hatekanye.
^ Canke «wihebuye cane.»
^ Canke «afise ugutegera.»
^ Canke «akamuserangura.»
^ Mu giheburayo havuga ngo «bugatandukanya.»
^ Canke «aramugirira neza.»
