Imigani 24:1-34
24 Ntiwumvire agashari abantu b’inkozi z’ikibi,kandi ntiwipfuze kwifatanya na bo+,
2 kuko baguma biyumvira ibintu vy’ububisha,bakaguma bavuga ibibi bagomba gukora.
3 Ubukerebutsi ni bwo bwubaka inzu*+,kandi ugutahura* ni kwo gutuma itekana.
4 Ubwenge ni bwo butuma ivyumba vyayo vyuzuraibintu vyose vy’agaciro kandi bihimbaye+.
5 Umuntu w’inkerebutsi ari n’ububasha+,kandi ubumenyi burongereza ububasha umuntu afise.
6 Ukwiye kurwana intambara yawe wisunze impanuro nziza*+,kandi abajanama* benshi batuma haboneka intsinzi*+.
7 Ikijuju ntigishobora kuronka ubukerebutsi nyakuri+.Ntikironka ico kivuga kw’irembo ry’igisagara.
8 Umuntu wese ategura gukora ikibiazokwitwa karuhariwe mu vyiyumviro bibi+.
9 Imigambi y’ikijuju* ishikana ku gicumuro,kandi abantu baranka umucokoranyi+.
10 Niwacika intege ku musi w’ivyago*,inkomezi zawe zizogabanuka.
11 Nutabare abariko bajanwa kwicwa,urokore abagenda baricako bagiye kwicwa+.
12 Hamwe wovuga uti: «Ivyo nta vyo twari tuzi»,
mbega umwe asuzuma imitima* ntazobimenya+?
Emwe, umwe akwitegereza azobimenyakandi azohemba umuntu wese yisunze ivyo yakoze+.
13 Mwananje, rya ubuki kuko ari bwiza.Ubuki bwo mu kimamara buraryoshe.
14 Ariko kandi umenye ko ubukerebutsi ari bwiza kuri wewe+.
Niwaburonka uzogira kazoza keza,kandi uzokwamana icizigiro+.
15 Ntubunde iruhande y’inzu y’umugororotsi ufise intumbero mbi.Ntusambure ahantu hiwe aruhukira.
16 Kuko umugororotsi yoshobora kugwa incuro indwi, mugabo azohaguruka+.Ariko ababisha bazotsitazwa n’ivyago+.
17 Umwansi wawe niyagwa, ntuze uhimbarwe,kandi niyatsitara, ntuze unezerwe mu mutima+.
18 Ahandiho Yehova azobibona bimubabaze,maze ace areka kumushavurira+.
19 Ntushavure* kubera inkozi z’ikibi,kandi ntiwumvire agashari ababisha,
20 kuko abanyakibi ata kazoza bagira+kandi itara ry’ababisha rizozima+.
21 Mwananje, tinya Yehova n’umwami+.
Ntiwifatanye n’abagumutsi*+,
22 kuko amakuba azobazako giturumbuka+.
None ni nde azi ivyago bazobateza*+?
23 Aya majambo na yo nyene ni ay’abanyabwenge:
si vyiza kugira nkunzi mu rubanza+.
24 Uwubwira umubisha ngo «uri umugororotsi+»,
abantu bazomuvuma kandi amahanga azomwiyamiriza.
25 Ariko abamukosora+ bizobagendera neza.Bazokwironkera umuhezagiro w’ibintu vyiza+.
26 Abantu bazosoma umuntu avugisha ukuri mu kwishura*+.
27 Tunganya ibikorwa vyawe vyo hanze, utegure ibikenewe vyose mu mirima,uheze wubake inzu yawe*.
28 Ntiwagirize mugenzawe ibintu bitagira ishingiro+.
Ntukoreshe iminwa yawe mu guhenda abandi+.
29 Ntuvuge ngo: «Nzomukorera nk’ivyo yankoreye.Nzomusubiriza mu nkoko*+.»
30 Naciye iruhande y’umurima w’ikinebwe+,iruhande y’umurima w’imizabibu w’umuntu atagira ubwenge*.
31 Nasanze wuzuyemwo ivyatsi bibi.Wari wuzuyemwo ivyatsi vy’ibisuru,kandi uruhome rwawo rw’amabuye rwari rwarasambutse+.
32 Naravyitegereje kandi ndabizirikana.Narabibonye maze ndahakura iki cigwa:
33 Iryamire gatoyi, wisinzirire gatoyi,uzinge amaboko wiruhukire
34 maze ubukene buzokuzako nk’igisuma,amagorwa akuzeko nk’umuntu yitwaje ikirwanisho+.
Utujambo tw'epfo
^ Canke «urugo.»
^ Canke «ukubona kure.»
^ Canke «uburongozi bw’ubuhanga.»
^ Canke «abahanuzi.»
^ Canke «ukuroranirwa», «ubukiriro.»
^ Canke «y’ubupfu.»
^ Canke «mu bihe vy’ingorane.»
^ Canke «imvo.»
^ Canke «nturungure.»
^ Canke «n’abashaka amahinduka.»
^ Ni ukuvuga Yehova n’umwami.
^ Hashobora kandi kuvugwa ngo «kwishura udakikiriza bimeze nko gusoma umuntu.»
^ Canke «urugo rwawe.»
^ Canke «nzomwishura ingere ku yindi.»
^ Mu giheburayo havuga ngo «atagira umutima.»
