Imigani 8:1-36
8 Mbega ubukerebutsi ntibuguma buhamagara?
Mbega ugutahura ntikuguma gusemerera+?
2 Ahantu hataramutse+ iruhande y’inzira,ku masanganzira, ni ho buhagaze.
3 Iruhande y’amarembo yinjira mu gisagara,ku bwinjiriro bw’imiryango yaco,buguma busemerera n’ijwi rirenga+ buti:
4 «Ni mwebwe ndiko ndahamagara, mwa bantu mwe!Ndiko ndasemerera mbwira abantu bose*!
5 Yemwe bantu mutagira ubwenge, nimwige kwiyubara+.Mwa bijuju mwe, nimwironse ugutegera*.
6 Nimunyumvirize, kuko ivyo mvuga bihambaye,kandi iminwa yanje ivuga ibigororotse.
7 Akanwa kanje kavuga ukuri n’ijwi ritoyi,kandi iminwa yanje ntiyerekwa ikinyoma.
8 Ivyo mvuga vyose biragororotse,
nta na kimwe kigoramye canke gihetamye.
9 Vyose birumvikana ku bantu bafise ugutahura,kandi biragororotse ku bantu bafise ubumenyi.
10 Nimuhitemwo indero* yanje aho guhitamwo ifeza,muhitemwo ubumenyi aho guhitamwo inzahabu nzizanziza+.
11 Kuko ubukerebutsi ari bwiza kuruta amabuye yitwa korali*.Ibindi bintu vyose vy’agaciro ntivyogereranywa na bwo.
12 Jewe bukerebutsi mbana n’ukwiyubara.Ubumenyi n’ubushobozi bwo kwiyumvira+ bibarizwa iwanje.
13 Gutinya Yehova bisobanura kwanka ikibi+.
Ndanka ukwishira hejuru, ubwishime+, inzira mbi n’amajambo agoramye+.
14 Ndafise impanuro nziza n’ubukerebutsi nyabwo+.Ugutegera+ n’ububasha+ ni ivyanje.
15 Biciye kuri jewe, abami baguma baganza,kandi abategetsi bakurubakuru bafata ingingo zigororotse+.
16 Biciye kuri jewe, abategetsi* baguma bategeka,kandi abanyacubahiro baca imanza zigororotse.
17 Ndakunda abankunda,kandi abandondera barandonka+.
18 Ubutunzi n’ubuninahazwa bibarizwa iwanje,ubutunzi bwamaho* be n’ubugororotsi.
19 Ivyo ntanga ni vyiza kuruta inzahabu, mbere inzahabu ityoroye,kandi ivyo nama ni vyiza kuruta ifeza nzizanziza+.
20 Ngendera mu nzira y’ubugororotsi,hagati mu nzira y’ubutungane.
21 Abankunda ndabaha intoranwa nziza,ibigega vyabo nkavyuzuza ibintu vy’agaciro.
22 Ni jewe Yehova yatanguriyeko kurema+,intango y’ibikorwa vyiwe vya kera cane+.
23 Nashizweho kuva kera cane+,kuva mu ntango, kuva isi itarabaho+.
24 Navyawe ibiyaga bitarabaho+,inzuzi zuzuye amazi zitarabaho.
25 Navutse imitumba itarabaho,imbere y’uko imisozi ishirwaho,
26 atararema isi n’agahinga*canke ikinonko na kimwe c’ivu.
27 Igihe yategura ijuru+ ni ho nari.Igihe yashiraho urubibe* rutandukanya ijuru n’ikiyaga+,
28 igihe yashira ibicu hejuru,igihe yashiraho amasoko y’amazi yo mu kuzimu,
29 igihe yashingira ikiyaga itegekokugira amazi yaco ntarenge akarimbi yagishingiye*+,igihe yashiraho* imishinge y’isi,
30 ico gihe nari iruhande yiwe nk’umukozi w’umuhanga+.
Yaranyiyumvamwo cane+ imisi yose.Nama mpimbawe igihe cose imbere yiwe+.
31 Narahimbarwa n’isi yateguye kugira ibeko abantu,kandi narakunda cane abana b’abantu*.
32 Ubu rero bane banje, nimunyumvirize.Hahiriwe abagumya inzira zanje.
33 Nimwemere gutozwa indero+ maze mube inkerebutsi,ntimwigere muyisuzugura.
34 Hahiriwe umuntu anyumviriza,akama azindukira* ku muryango wanje buri musi,akarindirira ku bwinjiriro bw’inzu yanje.
35 Kuko uwundonse aba aronse ubuzima+,kandi arashimwa na Yehova.
36 Ariko uwunyirengagiza aba yigiriye nabi,kandi abanyanka baba bakunda urupfu+.»
Utujambo tw'epfo
^ Mu giheburayo havuga ngo «abana b’abantu.»
^ Canke «umutima utegera.»
^ Raba Insiguro y’amajambo.
^ Raba Insiguro y’amajambo.
^ Canke «abaganwa.»
^ Canke «iragi ry’agaciro.»
^ Canke «n’imirima yayo.»
^ Mu giheburayo havuga ngo «igihe yaca umuzingi.»
^ Canke «ntarenge itegeko ryiwe.»
^ Canke «yashinga.»
^ Canke «umuryango w’abantu.»
^ Canke «akaguma ari maso.»
