Indirimbo ya Salomo 1:1-17
-
Indirimbo nziza kuruta izindi (1)
-
Umukobwa (2-7)
-
Abakobwa b’i Yeruzalemu (8)
-
Umwami (9-11)
-
«Tuzogukorera udusharizo tw’inzahabu» (11)
-
-
Umukobwa (12-14)
-
«Umukunzi wanje ameze nk’agasaho k’imira kamota neza» (13)
-
-
Umwungere (15)
-
«Uri mwiza rukundo rwanje»
-
-
Umukobwa (16, 17)
-
«Mukunzi wanje, uri mwiza» (16)
-
1 Indirimbo nziza kuruta izindi*, ikaba ari iya Salomo+:
2 «Nunsomagure n’iminwa yawe,kuko urukundo rwawe ruruta umuvinyu+.
3 Akamoto k’amavuta yawe ni keza cane+.
Izina ryawe rimeze nk’amavuta amota basuka ku mutwe+.
Ni co gituma abakobwa bagukunda.
4 Numfate unjane*, twiruke.
Kuko umwami yanyinjije mu vyumba vyiwe!
Reka turyoherwe, tunezeranwe.
Duhayagize* urukundo rwawe kuruta umuvinyu.
Ni co gituma bagukunda*.
5 Mwa bakobwa b’i Yeruzalemu, ndirabura ariko ndi mwiza.Meze nk’amahema y’i Kedari+, nk’ibitambara vy’amahema+ ya Salomo.
6 Ntimundabe cane ngo ni uko nirabura,ngo ni uko izuba ryambabuye.
Basazanje baranshavuriye,baca bandungika gucunga imirima y’imizabibu,ariko umurima wanje bwite sinawucunze.
7 Ewe mukunzi wanje, mbwiraaho uragira ibitungwa vyawe+,aho biruhukira ku mutaga.
Kubera iki noba nk’umugore yitwikiriye*hagati y’ibitungwa vya bagenzawe?»
8 «Nimba utahazi, ga mwigeme mwiza kuruta abandi bose,nukurikire inzira ibitungwa vyaciyemwo,uragire imyagazi yawe y’impene iruhande y’amahema y’abungere.»
9 «Rukundo rwanje, uri mwiza nk’ifarasi* iboheye ku mikogote ya Farawo+.
10 Amatama yawe araberewe n’udusharizo*,izosi ryawe na ryo risharijwe n’imirongo y’utudede.
11 Tuzogukorera udusharizo* tw’inzahabuturiko udupfundo tw’ifeza.»
12 «Igihe umwami akiri ku meza yiwe,amavuta yanje*+ ararekura akamoto kayo.
13 Umukunzi wanje ameze nk’agasaho k’imira* kamota neza+ndarana mw’ijoro hagati y’amabere yanje.
14 Umukunzi wanje ameze nk’agashami k’ihina*+mu mirima y’imizabibu y’i Eni-Gedi+.»
15 «Uri mwiza rukundo rwanje!
Uri mwiza cane! Amaso yawe asa n’ay’inuma+.»
16 «Mukunzi wanje, uri mwiza kandi urahimbaye+.
Amababi y’ibiti atibagurika mw’ishamba ni yo gitanda cacu.
17 Amatangi y’inzu yacu* ni amasederi,igisenge cayo na co ni ibiti vy’imiberoshi*.
Utujambo tw'epfo
^ Canke «indirimbo y’agaheta.»
^ Canke «nunkwege unjane.»
^ Canke «tuyage.»
^ Ni ukuvuga ba bakobwa.
^ Canke «yambaye umwitwikiro w’ikigandaro.»
^ Canke «nk’ifarasi yanje y’ingore.»
^ Hashobora kandi kuvugwa ngo «mu bisuko vy’imishatsi yawe.»
^ Canke «ingori.»
^ Mu giheburayo havuga ngo «narada yanje.»
^ Imira ni ibintu bimeze nk’uburembo bimota neza. Raba Insiguro y’amajambo.
^ Canke «nk’umusoko w’ihina.»
^ Canke «inzu yacu nziza.»
^ Umuberoshi ni igiti gishaka kumera nk’akajwari. Mu gifaransa bacita genévrier.
