Indirimbo ya Salomo 6:1-13
6 «Ewe mwigeme mwiza kuruta abandi bose,umukunzi wawe yagiye hehe?
Umukunzi wawe yajanye inzira iyihe?
Reka tugufashe kumurondera.»
2 «Umukunzi wanje yamanutse mu murima wiwe,mu murima uteyemwo ibintu bimota neza,kuragira ibitungwa vyiwe mu mirimano kwaha amashurwe y’amalisi+.
3 Ndi uw’umukunzi wanje,umukunzi wanje na we akaba uwanje+.
Aragiye ibitungwa vyiwe mu mashurwe y’amalisi+.»
4 «Mukunzi wanje+, uri mwiza nka Tiruza*+,uteye igomwe nka Yeruzalemu+,uteye akoba nk’ingabo zikikuje amabendera yazo+.
5 Hindukira ureke kundaba,kuko ntashobora kwihanganira amaso yawe+.
Imishatsi yawe imeze nk’ubusho bw’impeneburiko buramanuka imisozi y’i Gileyadi+.
6 Amenyo yawe ameze nk’ubusho bw’intamaziriko ziraduga zivuye aho bazogereza.Zose zifise amahasa,kandi nta n’imwe yabuze imyagazi yayo.
7 Amatama* yawe ameze nk’igihimba c’ikomamangamu gitambara cawe witwikiriye.
8 Hashobora kuba hari abamikazi 60be n’incoreke 80,hamwe n’abigeme batagira igitigiri+,
9 ariko umwe gusa ni we ari inuma yanje+, umugenzi wanje atagira akanenge.
Nta wundi ameze nka we mu maso ya nyina.
Ni we wenyene atonye* ku wamwibarutse.
Abakobwa baramubona bakavuga ko ahiriwe,abamikazi n’incoreke na bo bakamuhayagiza.
10 “Ni nde urya mugore yakaka* nk’umutwenzi,mwiza nk’ukwezi kw’igisyo,atyoroye nk’umuco w’izuba,kandi ateye akoba nk’ingabo zikikuje amabendera yazo+?”»
11 «Namanutse mu murima w’ibiti vyama imise+kuraba imivyaro mishasha mu mwonga*,kuraba ko imizabibu yanaze*n’uko ibiti vy’amakomamanga vyashuritse.
12 Sinamenye ingeneumutima wanje* wanshikanyeahari imikogote y’abanyacubahiro* bo mu bantu banje.»
13 «Garuka, garuka, Mushulamukazi we!
Garuka, garuka,kugira tukwitegereze!»
«Kubera iki mwitegereza Umushulamukazi+?»
«Ameze nk’intambo y’amakambi abiri*!»
Utujambo tw'epfo
^ Canke «nk’igisagara giteye igomwe.»
^ Canke «imisaya.»
^ Mu giheburayo havuga ngo «atyoroye.»
^ Mu giheburayo havuga ngo «araba hasi.»
^ Canke «mu mubande.»
^ Canke «yameze.»
^ Canke «icipfuzo canje.»
^ Canke «y’abantu b’umutima ukunze.»
^ Canke «nk’intambo ya Mahanayimu.»
