Nahumu 1:1-15
1 Urubanza rwaciriwe Ninewe+. Igitabu c’ivyo Nahumu* w’i Elikoshi yeretswe:
2 Yehova ni Imana isaba gusengwa* yonyene+ kandi yihora.Yehova arihora kandi agiye kwerekana ishavu ryiwe+.
Yehova arihora abamurwanya,kandi aguma ashavuriye abansi biwe.
3 Yehova ateba gushavura+ kandi afise ububasha bwinshi+,mugabo Yehova ntazokwigera areka guhana ababikwiye+.
Aje azananye n’umuyaga utema ugatongora be n’igihuhusi.Ibirenge vyiwe bitumura ibicu nk’umukungugu+.
4 Akankamira ikiyaga+ kigakama,agatuma inzuzi zose zikama+.
I Bashani n’i Karumeli haruma+,amashurwe y’i Libani na yo agakabirana.
5 Imisozi irajugumira kubera we,imirambi na yo igashonga+.
Isi izohinda agashitsi imbere yiwe.Izohinda agashitsi hamwe n’abayibako bose+.
6 Ni nde ashobora guhagarara imbere y’uburake bwiwe+?
Ni nde ashobora kurinda ishavu ryiwe rirurumba+?
Uburake bwiwe buzosukwa nk’umuriro,ibitandara bimenagurike kubera we.
7 Yehova ni mwiza+, ni igihome gikomeye kidukingira ku musi w’amagorwa+.
Aritwararika* abamuhungirako+.
8 Azozana umwuzure utikiza, ahonye Ninewe ntihagire igisigara,kandi umwiza uzokurikirana abansi biwe.
9 Mbega hari umugambi mwopfundika ngo murwanye Yehova?
Arahonya ntihagire igisigara.
Ntazokwirirwa arateza ivyago ubugira kabiri+.
10 Naho bameze nk’amahwa azitanye,bakaba kandi bameze nk’ababorewe inzoga*,bazosha baherengetere nk’ivyatsi vyumye.
11 Iwawe hazova uwiyumvira kurwanya Yehova,abahanure ibitagira akamaro.
12 Ibi ni vyo Yehova avuze:
«Naho boba bakomeye gute kandi bakaba benshi,bazorandurwa bazimangane*.
Naraguteje* imibabaro, ariko sinzosubira kuyiguteza.
13 Ubu rero ngira ndagukureko agahahazo* k’umwansi+,ncagagure imigozi yakubohesheje.
14 Ku vyerekeye wewe*, Yehova yategetse ati:“Nta wuzosubira kwitirirwa izina ryawe.
Nzorandura mu nzu* y’imana zawe ibishusho vy’ibibazano
n’ibishusho bikozwe mu cuma*.
Nzokwimbira imva, kuko ugayitse.”
15 Raba ku misozi ibirenge vy’uwuzanye inkuru nziza,uwutangaza amahoro+.
Ewe Buyuda, himbaza imisi mikuru yawe+, ushitse indagano zawe.Kuko ata mubisha* azosubira kugutera.
Azoranduranwa n’imizi.»
Utujambo tw'epfo
^ Iryo zina risobanura ngo «umuhoza.»
^ Canke «kwiheberwa.»
^ Mu giheburayo havuga ngo «arazi.»
^ Canke «inzoga y’ingano.»
^ Ni ukuvuga Ubuyuda.
^ Hashobora kandi kuvugwa ngo «bazorandurwa kandi azoca hagati muri bo.»
^ Canke «ingogo.» Raba Insiguro y’amajambo (Ingogo).
^ Ni ukuvuga Ashuri.
^ Canke «mu rusengero.»
^ Canke «mu cuma bashongesheje.»
^ Mu giheburayo havuga ngo «ata muntu w’imburakimazi.»
