Zaburi 20:1-9
-
Imana irokora umwami yarobanuye
-
Hari abishimira amafarasi, «ariko twebwe twambaza izina rya Yehova» (7)
-
Ku mukuru w’abaririmvyi. Ni zaburi ya Dawidi.
20 Ese Yehova yokwishura ku musi w’amarushwa,
izina ry’Imana ya Yakobo rikagukingira+.
2 Ese yogufasha ari ahantu heranda+,akagushigikira ari i Siyoni+.
3 Ese yokwibuka amashikanwa yawe yose,akemera* amashikanwa yawe aturirwa. (Sela*)
4 Naguhe ivyo umutima wawe wipfuza+,yongere atume imigambi* yawe yose iroranirwa.
5 Tuzokwiha akaruru k’umunezero kubera ubukiriro utanga+.Tuzoduza utudarapo twacu mw’izina ry’Imana yacu+.
Ese Yehova yoguha ivyo umusaba vyose.
6 Ubu rero ndazi ko Yehova arokora uwo yarobanuje amavuta*+.
Amwishura yibereye mw’ijuru ryiwe ryeranda,akamukiza* mu buryo buhambaye akoresheje ukuryo kwiwe+.
7 Hari abishimira imikogote, abandi bakishimira amafarasi+,ariko twebwe twambaza izina rya Yehova Imana yacu+.
8 Baradandabagiranye baragwa,ariko twebwe twarahagurutse, turasubirana+.
9 Ewe Yehova, nukize umwami+!
Imana* izotwishura umusi twayitabaje+.
Utujambo tw'epfo
^ Mu giheburayo havuga ngo «akabona nk’ibinure.»
^ Raba Insiguro y’amajambo.
^ Canke «impanuro.»
^ Raba Insiguro y’amajambo (Kurobanura).
^ Canke «akamuha intsinzi.»
^ Hashobora kandi kuvugwa ngo «umwami.»
