Zaburi 24:1-10
-
Umwami aninahaye yinjira mu marembo
-
«Isi ni iya Yehova» (1)
-
Ni zaburi ya Dawidi.
24 Isi n’ibiri muri yo vyose ni ivya Yehova+,isi* yose n’abayibamwo ni ivyiwe.
2 Yarayishinze ku biyaga arayikomeza+,arayishimangira ku nzuzi.
3 Ni nde yoduga ku musozi wa Yehova+?Ni nde yohagarara ahantu hiwe heranda?
4 Ni uwufise amaboko y’intungane n’umutima utyoroye+,umuntu atigeze arahira ibinyoma akoresheje izina ryanje*canke ngo arahire abesha+.
5 Azokwironkera imihezagiro ya Yehova+,kandi Imana y’ubukiriro bwiwe izomwita umugororotsi*+.
6 Abantu mwene abo ni bo bayirondera*,ni bo barondera mu maso hawe, ewe Mana ya Yakobo. (Sela*)
7 Nimuraramure imitwe mwa marembo+!Nimwuguruke* mwa miryango ya kera,kugira Umwami aninahaye yinjire+!
8 None uwo Mwami aninahaye ni nde?
Ni Yehova, umwe akomeye kandi w’intwari+,Yehova, ya ntwari mu rugamba+.
9 Nimuraramure imitwe mwa marembo+!Nimwuguruke mwa miryango ya kera,kugira Umwami aninahaye yinjire!
10 None uwo Mwami aninahaye ni nde?
Ni Yehova Nyeningabo, uwo ni we Mwami aninahaye+! (Sela)
Utujambo tw'epfo
^ Canke «isi yimbuka.»
^ Mu giheburayo havuga ngo «ubuzima bwanje.» Ni ukuvuga ubuzima bwa Yehova.
^ Canke «intungane.»
^ Canke «urwo ni rwo ruvyaro rw’abayirondera.»
^ Raba Insiguro y’amajambo.
^ Canke «muhaguruke.»
