Zaburi 27:1-14
Ni zaburi ya Dawidi.
27 Yehova ni umuco wanje+ n’ubukiriro bwanje.
None notinya nde+?
Yehova ni igihome gikomeye gikingira ubuzima bwanje+.
Ni nde none yontera ubwoba?
2 Igihe inkozi z’ikibi zantera kugira zintabagure+,abandwanya be n’abansi banje ni bo batsitaye baragwa.
3 Naho ingabo zoshinga ikambi ngo zintere,umutima wanje ntuzotinya+.
Naho hokwaduka intambara yo kundwanya,n’ico gihe nyene nzoguma nizigira Imana.
4 Nasavye Yehova ikintu kimwe,kandi ni co nzoguma ndondera:Ni uko nokwibera mu nzu ya Yehova ubuzima bwanje bwose+,kugira nitegereze ubwiza bwa Yehovano kugira ntangarire* urusengero rwiwe*+.
5 Kuko azonyegeza mu bwugamo bwiwe ku musi w’ivyago+.Azompisha mw’ihema ryiwe, ahantu hinyegeje+.Azonshira hejuru ku gitandara+.
6 Ubu rero umutwe wanje uri hejuru y’abansi banje bankikuje.Nzoshikana ibimazi kw’ihema ryawe n’umunezero mwinshi.Nzoririmbira amashemezo* Yehova.
7 Ewe Yehova, niwumve ugutabaza kwanje+.Nungirire ubuntu unyishure+.
8 Mu mutima nibutse ko wavuze uti:
«Nimurondere mu maso hanje.»
Emwe, mu maso hawe nzoharondera, ewe Yehova+.
9 Ntumpishe mu maso hawe+.
Ntiwirukane umusavyi wawe washavuye.
Ni wewe mutabazi wanje+.Ewe Mana y’ubukiriro bwanje, ntumpebe canke ngo unte!
10 Naho data na mama bonta+,Yehova ubwiwe azonyitorera+.
11 Ewe Yehova, nunyigishe inzira yawe+,kandi unyobore mu nzira y’ubugororotsi kubera abansi banje.
12 Ntunshire mu maboko y’abandwanya+,kuko ivyabona vy’ikinyoma vyampagurukiye+kandi baguma bangirako iterabwoba.
13 Mbega nobaye uwa nde iyo ntaba nizigiyekubona ubuntu* bwa Yehova mu gihugu c’abazima*+?
14 Niwizigire Yehova+.Gira umutima rugabo kandi ukomere+.
Egome, niwizigire Yehova.
Utujambo tw'epfo
^ Canke «ndabe nikugura.»
^ Canke «aheranda hiwe.»
^ Canke «nzocurarangira.»
^ Canke «ukumera neza.»
^ Hashobora kandi kuvugwa ngo «ndizigiye ntakeka ko nzobona ubuntu bwa Yehova mu gihugu c’abazima.»
