Zaburi 30:1-12
-
Ikigandaro ugihindura umunezero
-
Ubuntu bw’Imana ni ubw’ubuzima bwose (5)
-
Ni indirimbo yo kwinjira inzu. Ni zaburi ya Dawidi.
30 Ewe Yehova, nzoguhaya kuko wandugije* ukankura mu cobo.Ntiwaretse ngo abansi banje banyirateko+.
2 Ewe Yehova Mana yanje, naragutabaje nawe urankiza+.
3 Ewe Yehova, warandugije unkura mu kuzimu+.
Waranzigamye, undinda kumanuka mu cobo*+.
4 Nimuririmbire amashemezo* Yehova, yemwe ntahemuka ziwe+,nimuhayagize izina* ryiwe ryeranda+.
5 Kuko ishavu ryiwe ari iry’akanya gato+,ariko ubuntu* bwiwe ni ubw’ubuzima bwose+.
Umuntu yoshobora kurira ku mugoroba, ariko mu gitondo akavuza impundu+.
6 Igihe nari nitekaniye, navuze nti:
«Sinzokwigera nyiganyizwa*.»
7 Ewe Yehova, ngishimwa* nawe nari nkomeye nk’umusozi+.
Ariko igihe wampisha mu maso hawe, narahagaritse umutima+.
8 Ewe Yehova, ni wewe nagumye mpamagara+.Yehova, ni wewe nagumye ntakambira ngo ungirire ubuntu.
9 None ndamutse mpfuye*, nkaja mu kuzimu, bikwungura iki+?
Mbega umukungugu uzoguhaya+? Uzovuga ibijanye n’ubwizigirwa bwawe+?
10 Ewe Yehova, nunyumve ungirire ubuntu+.
Ewe Yehova, numbere umutabazi+.
11 Ikigandaro canje wagihinduye intambo.Wanyambuye amagunira maze unyambika umunezero,
12 kugira ngume ndakuririmbira* amashemezo, sinigere ncereza.
Ewe Yehova Mana yanje, nzogushemeza ibihe bidahera.
Utujambo tw'epfo
^ Canke «wankweze.»
^ Canke «mu mva.»
^ Canke «nimucurarangire.»
^ Mu giheburayo havuga ngo «icibutso.»
^ Canke «gushimwa na we.»
^ Canke «sinzokwigera ncumbagira (ndandabagirana).»
^ Canke «ngitoneshwa.»
^ Mu giheburayo havuga ngo «amaraso yanje asesetse.»
^ Mu giheburayo havuga ngo «kugira ubuninahazwa bwanje bukuririmbire.»
