Zaburi 37:1-40
Ni zaburi ya Dawidi.
א [Alefu]
37 Ntushavure* kubera abantu b’ababishacanke ngo wumvire agashari inkozi z’ikibi+.
2 Bazokwuma ningoga nk’ivyatsi+,kandi bazokabirana nk’ivyatsi bitotahaye.
ב [Beti]
3 Niwizigire Yehova kandi ukore ivyiza+.Niwibere mw’isi*, ukorane ubwizigirwa+.
4 Nuhimbarwe* cane na Yehova,na we azoguha ivyo umutima wawe wipfuza.
ג [Gimelu]
5 Nuragize Yehova inzira yawe+.Numwizigire, na we azogufasha+.
6 Azotuma ubugororotsi bwawe bukayangana nk’umutwenzi,ubutungane bwawe na bwo nk’izuba rya sasita.
ד [Daleti]
7 Guma utekanye imbere ya Yehova+kandi umurindire wihanganye.
Ntubabazwe n’umuntuaroranirwa mu migambi yiwe mibi+.
ה [He]
8 Tsinda ishavu, ureke kuraka+.Ntushavure ngo bitume ukora ikibi*.
9 Kuko inkozi z’ikibi zizorandurwa+,ariko abizigira Yehova bazokwigabira isi+.
ו [Vau]
10 Hasigaye akanya gato ababisha ntibabe bakiriho+.Uzoraba aho bahora bariubabure aho wababonye+.
11 Ariko abitonda bazokwigabira isi+,kandi bazokwinovora amahoro menshi+.
ז [Zayini]
12 Umubisha apanga imigambi yo kugirira nabi umugororotsi+,akaguma amuhekenyera imisaya*.
13 Ariko Yehova azomutwenga,kuko azi yuko iherezo ryiwe rizoshika+.
ח [Heti]
14 Ababisha barasokora inkota zabo kandi bagafora* imiheto yabokugira bice abantu bahahazwa hamwe n’aboro,kugira bahonye abagendera mu nzira igororotse.
15 Ariko inkota zabo ni bo nyene zizosogota mu mutima+,imiheto yabo izovunagurika.
ט [Teti]
16 Dukeyi tw’umugororotsituruta umurengera w’ababisha benshi+.
17 Kuko amaboko y’ababisha azovunagurwa,ariko Yehova azoshigikira abagororotsi.
י [Yodi]
18 Yehova arazi ingorane zishikira abantu b’intungane*,kandi intoranwa yabo ni iy’ibihe bidahera+.
19 Ntibazomaramara mu gihe c’ivyago.Mu gihe c’inzara bazoronka umusesekara.
כ [Kafu]
20 Ariko ababisha bazohona+.Abansi ba Yehova bazoyogera nka kurya kw’uburagiro butotahaye,batumuke nk’umwotsi.
ל [Lamedi]
21 Umubisha aragurana ariko ntiyishure,mugabo umugororotsi aratanga cane* kandi akagira impuhwe+.
22 Abantu Imana ihezagiye bazotorana isi,ariko abo ivumye bazorandurwa+.
מ [Memu]
23 Igihe Yehova ahimbawe n’inzira y’umuntu+,aca ayobora* intambuko ziwe+.
24 Naho yotemba ntazoshika hasi+,kuko Yehova amufashe ukuboko*+.
נ [Nuni]
25 Kuva nkiri muto gushika ubu nshaje,sindigera mbona umugororotsi yahebwe+,canke abana biwe basegerereza ibifungurwa*+.
26 Yama atanga ingurane n’umutima ukunze+,kandi abana biwe bazokwironkera umuhezagiro.
ס [Sameki]
27 Reka ikibi ukore iciza+,uzoheza wibereho ibihe bidahera.
28 Kuko Yehova akunda ubutungane,kandi ntazokwigera aheba abantu b’intahemuka+.
ע [Ayini]
Azokwama abarinda+,ariko uruvyaro rw’ababisha ruzorandurwa+.
29 Abagororotsi bazokwigabira isi+,kandi bazoyibako ibihe bidahera+.
פ [Pe]
30 Akanwa k’umugororotsi kavuga ivy’ubwenge*,kandi ururimi rwiwe ruvuga ibigororotse+.
31 Itegeko ry’Imana yiwe riri mu mutima wiwe+.Intambuko ziwe ntizizonyerera+.
צ [Tsade]
32 Umubisha aguma areretse umugororotsi,akaguma arondera kumwica.
33 Ariko Yehova ntazomureka ngo agwe mu maboko yiwe+,canke ngo amwagirize ikosa igihe acirwa urubanza+.
ק [Kofu]
34 Niwizigire Yehova, ugendere mu nzira yiwe,na we azogutera iteka utorane isi.
Ababisha nibarandurwa+ uzovyibonera+.
ר [Reshi]
35 Narabonye ingene umubisha w’imburakigongweasagarara nk’igiti gitotahaye kiri mw’ivu riryoshe+.
36 Ariko bukwi na bukwi, yarazimanganye aravaho+.Nagumye ndamurondera ariko ndamubura+.
ש [Shini]
37 Uritegereza umuntu w’intungane*,ugume uraba umuntu w’umugororotsi+:kazoza kiwe kazorangwa n’amahoro+.
38 Ariko abanyakibi bose bazorandurwa.Ababisha nta kazoza bagira+.
ת [Tau]
39 Yehova ni we bukiriro bw’abagororotsi+.Ni we gihome kibakingira mu gihe c’ivyago+.
40 Yehova azobafasha, abarokore+.
Azobakiza, abakure mu vyara vy’ababisha,kuko ari we buhungiro bwabo+.
Utujambo tw'epfo
^ Canke «nturungure.»
^ Canke «mu gihugu.»
^ Canke «nusoserwe.»
^ Hashobora kandi kuvugwa ngo «ntushavure kuko ata kindi vyovamwo atari ingorane.»
^ Canke «amenyo.»
^ Canke «kandi bakambika imigozi.»
^ Mu giheburayo havuga ngo «arazi imisi y’abantu b’intungane.»
^ Canke «arafashanya.»
^ Canke «akomeza.»
^ Canke «amushigikiye n’ukuboko kwiwe.»
^ Canke «umukate.»
^ Canke «kavuga ivy’ubwenge n’ijwi ritoyi.»
^ Canke «atagirako umugayo.»
