Zaburi 61:1-8
-
Imana ni umunara ukomeye udukingira
-
«Nzoba umushitsi mw’ihema ryawe» (4)
-
Ku mukuru w’abaririmvyi: ikwiye guherekezwa n’ibicurarangisho vy’imirya. Ni zaburi ya Dawidi.
61 Ewe Mana, niwumve ugutabaza kwanje.
Nutege ugutwi isengesho ryanje+.
2 Igihe umutima wanje wihebuye*+,ni wewe ndirira ndi ku mpera y’isi.
Nunjane ku gitandara kirekire kunsumba+.
3 Kuko uri ubuhungiro bwanje,umunara ukomeye unkingira umwansi+.
4 Nzoba umushitsi mw’ihema ryawe ibihe vyose+.Nzohungira munsi y’amababa yawe+. (Sela*)
5 Kuko wumvise indagano zanje, ewe Mana!
Wampaye intoranwa y’abatinya izina ryawe+.
6 Uzokwongera umwami imisi yo kubaho+,kandi azomara imyaka myinshi.
7 Azokwicara ku ntebe y’ubwami* imbere y’Imana ibihe vyose+.Urukundo* rwawe n’ubwizigirwa bwawe nibimuzigame+.
8 Nzoheza ndirimbire amashemezo* izina ryawe ibihe vyose+,nshitse indagano zanje uko bukeye uko bwije+.
Utujambo tw'epfo
^ Canke «ugoyagoya.»
^ Raba Insiguro y’amajambo.
^ Canke «azoba.»
^ Canke «urukundo rudahemuka (rudahera).»
^ Canke «nzocurarangira.»
