Zaburi 65:1-13
Ku mukuru w’abaririmvyi. Ni zaburi ya Dawidi. Indirimbo.
65 Ewe Mana, amashemezo arakurindiriye i Siyoni+.Tuzoshitsa indagano twakuraganiye+.
2 Wewe wumva amasengesho, abantu b’ubwoko bwose bazoza iwawe+.
3 Amakosa yanje yandengeye+,ariko urapfuka ibicumuro vyacu+.
4 Hahiriwe umuntu utora ukamwiyegerezakugira yibere mu bigo vyawe+!
Tuzohazwa n’ivyiza vyo mu nzu yawe+,urusengero rwawe rweranda+.
5 Ewe Mana y’ubukiriro bwacu,uzotwishura ukoresheje ibikorwa vy’ubugororotsi biteye ubwoba+.Ababa kw’isi iyo iva ikagera barakwizigira+,mbere n’ababa kure cane hakurya y’ikiyaga.
6 Washimangiye* imisozi ukoresheje ububasha bwawe.Emwe, ukenyeye* ubushobozi+.
7 Utururuza* ibiyaga bisuriranya+,ugahwamika imipfunda yavyo n’urwamo rw’amahanga+.
8 Ababa kure bazoterwa ubwoba n’ibikorwa* vyawe+.Uzotuma amahanga anezerwa kuva mu buseruko gushika mu burengero.
9 Witwararika isi,ugatuma imera cane, ikimbuka rwose+.
Umugezi uva ku Mana wuzuye amazi.Ukwo ni ko wateguye isi,kugira uronse abantu ibifungurwa+.
10 Uvomera imirima yayo, ukaringaniza ubusize* bwayo.Urayorosha ukoresheje imvura, ugahezagira ibimera kuri yo+.
11 Umwaka uwambika urugori rw’ivyiza vyawe,inzira zawe zuzuye umusesekara*+.
12 Uburagiro bwo mu bugaragwa buguma butotahaye+,kandi imisozi yambaye akanyamuneza+.
13 Uburagiro bwuzuyemwo ibitungwa,ibiyaya* na vyo bitwikiriwe n’ibiterwa vy’intete+.
Vyose biravuza impundu, emwe biraririmba+!
Utujambo tw'epfo
^ Mu giheburayo havuga ngo «yarashimangiye.»
^ Mu giheburayo havuga ngo «akenyeye.»
^ Mu giheburayo havuga ngo «atururuza.»
^ Canke «ibimenyetso.»
^ Canke «amaburi.»
^ Mu giheburayo havuga ngo «zitonyanga ibinure.»
^ Canke «imyonga.»
