Zaburi 86:1-17
Ni isengesho rya Dawidi.
86 Ewe Yehova, nuntege ugutwi* kandi unyishure,kuko ndi umugorwa nkaba n’umukene+.
2 Nurinde ubuzima bwanje, kuko ndi intahemuka+.
Nukize umusavyi wawe akwizigira,kuko uri Imana yanje+.
3 Ewe Yehova, nungirire ubuntu+,kuko ari wewe ntabaza bukarinda bwira+.
4 Ewe Yehova, nunezereze umusavyi wawe,kuko ari wewe mpanze amaso.
5 Ewe Yehova, uri mwiza+ kandi witeguriye kubabarira+!Urukundo* ufitiye abo bose bakwambaza ni rwinshi+.
6 Ewe Yehova, niwumvirize isengesho ryanje,utege ugutwi ugutakamba kwanje+.
7 Ndagutabaza ku musi w’ivyago+kuko unyishura+.
8 Ewe Yehova, nta mana iriho imeze nkawe+,kandi nta bikorwa biriho bimeze nk’ivyawe+.
9 Ewe Yehova, amahanga yose waremyeazoza yuname imbere yawe+,kandi azoninahaza izina ryawe+.
10 Kuko uhambaye kandi ugakora ibintu bitangaje+.Ni wewe wenyene uri Imana+.
11 Ewe Yehova, nunyigishe inzira yawe+,
nanje nzogendera mu kuri kwawe+.
Niwegeranye umutima wanje* kugira ntinye izina ryawe+.
12 Ewe Yehova Mana yanje, ndagushemeza n’umutima wanje wose+,kandi nzoninahaza izina ryawe ibihe vyose,
13 kuko urukundo* unkunda ari rwinshi,kandi wararokoye ubuzima bwanje ngo ntibuje mu kuzimu+.
14 Ewe Mana, abantu bita imbere bampagurukiye+.Akagwi k’abantu b’imburakigongwe kariko karondera kunyica,kandi ntibagutinya na gato*+.
15 Ariko wewe ga Yehova, uri Imana y’imbabazi n’impuhwe*,iteba gushavura kandi yuzuye urukundo* n’ukudahemuka*+.
16 Nuhindukire ungirire ubuntu+.
Nuhe umusavyi wawe inkomezi zawe+,urokore umwana w’umusukukazi wawe.
17 Nunyereke ikimenyetso c’ukumera neza kwawe,kugira ngo abanyanka babibone maze bamaramare.
Kuko uri umutabazi wanje ukaba n’umuhoza wanje, ewe Yehova!
Utujambo tw'epfo
^ Canke «niwuname unyumvirize.»
^ Canke «urukundo rudahemuka (rudahera).»
^ Canke «numpe umutima utigabuye.»
^ Canke «urukundo rudahemuka (rudahera).»
^ Canke «kandi ntibagushize imbere yabo.»
^ Canke «n’ubuntu.»
^ Canke «urukundo rudahemuka (rudahera).»
^ Canke «n’ukuri.»
