Zaburi 90:1-17
Ni isengesho rya Musa, umuntu w’Imana y’ukuri+.
90 Ewe Yehova, watubereye ubuhungiro*+ kuva kera na rindi*.
2 Wamyeho n’imbere y’uko imisozi ivuka,imbere y’uko urema isi, egome isi yimbuka+.Uri Imana kuva ibihe bidahera gushika ibihe bidahera+.
3 Usubiza abantu mu mukungugu,ukavuga uti: «Mwa bantu, subirayo+!»
4 Kuko imyaka igihumbi ari nk’umusi umwe* kuri wewe+.Ni nk’ikiringo kimwe gusa c’iterama* ryo mw’ijoro.
5 Urabakukumura+, bakazimangana nk’indoto.Mu gitondo, baba bameze nk’ivyatsi binaze+.
6 Mu gitondo birashurika, bigatotahara,ariko ku mugoroba bigakabirana maze bikuma+.
7 Erega ishavu ryawe ryatumaze+!Twatekewe n’ubwoba kubera uburake bwawe.
8 Ushira amakosa yacu imbere yawe*+,umuco wo mu maso hawe ugashira ahabona amabanga yacu+.
9 Imisi yacu yashize* kubera uburake bwawe.Imyaka yacu imaze akanya nk’ako kwiruhutsa.
10 Ubuzima bwacu bumara imyaka 70,canke 80+ ku wufise inkomezi zidasanzwe.
Ariko yuzuye ivyago n’imibabaro.Ihera ningoga, natwe tukaba duhise+.
11 Ni nde yoshobora kumenya ububasha bw’ishavu ryawe?
Ishavu ryawe ringana n’icubahiro ukwiye guhabwa*+.
12 Twigishe guharura imisi yacu+kugira turonke umutima w’ubukerebutsi.
13 Ewe Yehova, nugaruke+. Ibintu bizoguma gutya gushika ryari+?
Niwumvire impuhwe abasavyi bawe+.
14 Nutwereke urukundo* rwawe+ mu gitondo,kugira tuvuze impundu twongere tunezerwe+ imisi yose y’ubuzima bwacu.
15 Nutunezereze imisi ingana n’iyo wamaze uduteza amarushwa+,imyaka ingana n’iyo twamaze mu magorwa+.
16 Ese abasavyi bawe bokwibonera igikorwa cawe,abana babo na bo bakibonera ubwiza bwawe buhebuje+!
17 Ese Yehova Imana yacu yotugirira ubuntu!Ese wohezagira* igikorwa c’amaboko yacu,
egome, nuhezagire igikorwa c’amaboko yacu+!
Utujambo tw'epfo
^ Canke «ahantu ho kuba.»
^ Canke «uko urunganwe rwagiye rurakurikirana.»
^ Mu giheburayo havuga ngo «ari nk’ejo hahise.»
^ Ikiringo kimwe c’iterama camara nk’amasaha ane.
^ Canke «urazi amakosa yacu.»
^ Canke «ubuzima bwacu bwashize.»
^ Canke «igitinyiro cawe.»
^ Canke «urukundo rudahemuka (rudahera).»
^ Canke «wokomeza.»
