Zaburi 91:1-16
91 Uwo wese yibera ahihishije ha Musumbavyose+azokwigumira mu gitutu c’amababa ya Mushoboravyose+.
2 Nzobwira Yehova nti: «Uri ubuhungiro bwanje n’igihome canje gikomeye+,Imana yanje nizigira+.»
3 Kuko azogukiza umutego w’umuhigi w’inyonihamwe n’ikiza gitema kigatongora.
4 Azogupfuka* akoresheje amubi yiwe,kandi uzohungira munsi y’amababa yiwe+.
Ukudahemuka kwiwe+ kuzokubera inkinzo yagutse+ n’igihome kigukingira.
5 Ntuzotinya ibintu bigutera ubwoba mw’ijoro+,canke umwampi uguruka ku murango+,
6 canke ikiza kigendagenda mu mwiza,canke agatikizo gasasika inganda ku mutaga.
7 Abantu igihumbi bazogwa iruhande yawe,ibihumbi cumi na bo iburyo bwawe,ariko wewe nta na kimwe uzoba+.
8 Ababisha nibahanwauzovyibonera n’amaso yawe.
9 Ko wavuze uti: «Yehova ni ubuhungiro bwanje»,
ukagira Musumbavyose ahantu hatekanye uba*+,
10 nta cago kizogutera+kandi nta kiza kizokwegera ihema ryawe.
11 Kuko azotegeka abamarayika biwe+kugira bagukingire aho uzoja hose+.
12 Bazokurerura mu maboko yabo+kugira ntutsitare kw’ibuye+.
13 Uzohonyanga intambwe y’umukangara n’imvuvyi.Uzokandagira intambwe* na ca kiyoka kinini+.
14 Imana yavuze iti: «Ko yankunze*, nanje nzomurokora+.
Nzomukingira kuko azi* izina ryanje+.
15 Azontabaza, nanje ndamwishure+.
Nzobana na we mu bihe vy’ivyago+.
Nzomutabara kandi ndamuninahaze.
16 Nzomuha kuramba+kandi nzotuma yibonera ingene ndamukiza+.»
Utujambo tw'epfo
^ Canke «azozibira inzira ishika aho uri.»
^ Hashobora kandi kuvugwa ngo «igihome gikomeye», «ubuhungiro.»
^ Canke «intambwe ifise ivyoya kw’izosi.»
^ Mu giheburayo havuga ngo «ko yifatanije nanje.»
^ Canke «yemera.»
