Zaburi 95:1-11
95 Nimuze tuvugirize impundu Yehova!
Nimuze twigine intsinzi y’Igitandara c’ubukiriro bwacu+.
2 Nimuze tuje imbere yiwe dukenguruka+,tumuririmbire twongere twigine intsinzi.
3 Kuko Yehova ari Imana ihambayeakaba n’Umwami ahambaye kuruta izindi mana zose+.
4 Inyenga y’isi iri mu kuboko kwiwe.Amasonga y’imisozi ni rwiwe+.
5 Ikiyaga ni iciwe kuko ari we yakiremye+,kandi amaboko yiwe ni yo yabumvye isi+.
6 Nimuze tumusenge kandi tumwunamire,dupfukame imbere ya Yehova Umuhinguzi wacu+.
7 Kuko ari Imana yacu,natwe tukaba abantu bo mu buragiro bwayo,intama zayo yitwararika*+.
Uyu musi nimwumviriza ijwi ryayo+,
8 ntimukomantaze imitima nka kumwe kw’i Meriba*+,nka wa musi w’i Masa* mu bugaragwa+,
9 igihe ba sogokuruza banyu bangerageza+.Baransomborokeje naho bari barabonye ibikorwa vyanje+.
10 Urwo runganwe* rwamaze imyaka 40 runshisha, maze mvuga nti:
«Imitima y’aba bantu iguma izimira.Ntibigeze bamenya inzira zanje.»
11 Naciye ndahira n’ishavu n’akantu nti:
«Ntibazokwinjira mu karuhuko kanje+.»
Utujambo tw'epfo
^ Mu giheburayo havuga ngo «zo mu kuboko kwiwe.»
^ Iryo zina risobanura ngo «gushwana.»
^ Iryo zina risobanura ngo «kugerageza», «ikigeragezo.»
^ Canke «iyaruka.»
