KU WA gatatu mu gitondo itariki 24 Nzero 2018, abagize umuryango wa Beteli muri Amerika no muri Kanada barahimbawe no kwumva itangazo ridasanzwe ribamenyesha ko umuvukanyi Kenneth Cook, Jr. yongewe ku bagize Inama nyobozi y’Ivyabona vya Yehova.

Umuvukanyi Cook yavukiye i Pensilivaniya muri Amerika, kandi ni ho yakuriye. Yigishijwe ukuri n’umunyeshure bigana ari mu kurangiza amashure yisumbuye, maze abatizwa itariki 7 Ruheshi 1980. Yatanguye ubutsimvyi busanzwe ku wa 1 Nyakanga 1982. Amaze kubukora imyaka ibiri yaratumiwe kuri Beteli, akaba yatanguye gukorera i Wallkill muri New York, ku wa 12 Gitugutu 1984.

Umuvukanyi Cook yamaze imyaka 25 akora ibikorwa bitandukanye mw’icapuriro no mu biro vya Beteli. Yarubakanye n’umukenyezi wiwe Jamie mu 1996, Jamie aca araza gukorera kuri Beteli i Wallkill. Muri Kigarama 2009, umuvukanyi Cook n’umukenyezi wiwe bararungitswe gukorera mu Kigo ntanganyigisho ca Watchtower kiri i Patterson i New York, umuvukanyi Cook akaba yakorera mu Rwego rujejwe kwishura ibibazo bijanye na Bibiliya. Muri Ndamukiza 2016, baragarutse gatoyi i Wallkill, hanyuma barungikwa i Brooklyn. Haciye amezi atanu, barimuriwe ku cicaro gikuru i Warwick. Muri Nzero 2017, umuvukanyi Cook yaragenywe kuba umufasha muri Komite Nshingwayandika y’Inama Nyobozi.