INGENE WOTSINDA URWANKO
4 | Nureke Imana igufashe gutsinda urwanko
Bibiliya ivuga iti:
“Icamwa c’impwemu ni urukundo, akanyamuneza, amahoro, ukwiyumanganya, ubuntu, ukumera neza, ukwizera, ubwitonzi, ukwigumya.”—ABAGALATIYA 5:22, 23.
Ico bisobanura:
Imana irashobora kugufasha gutsinda urwanko. Impwemu nyeranda y’Imana irashobora kudufasha kugira kamere tutokwigera turonka ku bw’inkomezi zacu. Aho kugerageza rero gutsinda urwanko twishimikije inkomezi zacu bwite, turakwiye kwemera gufashwa n’Imana. Tubigenjeje gutyo, birashobora kutugendera nk’uko vyagendeye intumwa Paulo, uwavuze ati: “Muri vyose, ndonka inkomezi ndabikesheje umwe ampa ububasha.” (Abafilipi 4:13) N’ikindi kandi, tuzoshobora kuvuga duti: “Ugutabarwa kwanje kuva kuri Yehova.”—Zaburi 121:2.
Ivyo wokora:
“Yehova yaratumye mpeba gukara, mpinduka umunyamahoro.”—WALDO
Nusenge Yehova ata buryarya, umusaba ngo aguhe impwemu yiwe nyeranda. (Luka 11:13) Numusabe agufashe gutsimbataza kamere zishimwa n’Imana. Niwige ivyo Bibiliya ivuga ku bijanye na kamere zifasha gutsinda urwanko, nk’urukundo, amahoro, ukwihangana, n’ukwigumya. Nurondere uturyo two gutsimbataza izo kamere mu buzima bwawe. Vyongeye, niwifatanye n’abihatira gutsimbataza izo kamere. Abantu nk’abo barashobora ‘kukuvyurira umutima wo gukundana no gukora ibikorwa vyiza.’—Abaheburayo 10:24.
Raba kandi
INYISHU Z’IBIBAZO BISHINGIYE KURI BIBILIYA
Bibiliya ivuga iki ku bijanye n’ishavu?
Hoba hariho imvo zumvikana zotuma umuntu ashavura? Wokora iki wumvise ko utanguye gushavura?
BE MASO!
Bibiliya ivuga iki ku vyerekeye ubugizi bwa nabi?
Imana ibona gute abantu b’inkazi? Boba bashobora guhinduka?
