Abamamaji benshi barakoresha JW Library mu gutegura amakoraniro, kandi barashima ingene yama ica ibereka ikiganiro c’ukwiga kiba kigezweho. Ariko rero, Umunara w’ukwiga akenshi uba urimwo ibindi biganiro bikomeza ukwizera. None ivyo biganiro wobitora gute muri JW Library kugira ngo uvyungukireko?

• Mu mpera ya buri kiganiro c’ukwiga, haca haza ahavuga ngo “Ibindi wosoma.” Munsi y’aho, nuce ufyonda ahavuga ngo “Ibindi biganiro usangamwo.” Uravye ibirimwo, uca ubona ko ibiganiro vy’ukwiga vyibonekeza neza kuko biriko inomero. Nuce rero ufyonda ku kiganiro kitari ico kwiga wipfuza gusoma.

• Mu gice kivuga ngo “Ibishasha” dusanga ku ntango ya JW Library, nuze uravoma Umunara w’Inderetsi igihe usohotse. Nuce uwugurura maze urabe ibirimwo kugira ngo ntihagire ikiganiro na kimwe kigucika.