ICIGWA CA 6
Gusigura neza ivyanditswe
Yohani 10:33-36
INCAMAKE: Ntupfe gusa gusoma icanditswe ngo uce wigira ku ciyumviro gikurikira. Nurabe neza ko abakwumviriza babona neza isano riri hagati y’icanditswe wasomye n’iciyumviro muriko muraganirako.
UKO WOBIGIRA:
-
Nushire ahabona amajambo nyamukuru. Uhejeje gusoma icanditswe, nushimike ku majambo afitaniye isano n’iciyumviro nyamukuru. Ushobora kubigira mu gusubiramwo ayo majambo canke mu kubaza ikibazo gituma abakwumviriza bayatora.
-
Nushimike ku ciyumviro nyamukuru. Nimba werekanye impamvu ugiye gusoma icanditswe, niwerekane ukuntu amajambo nyamukuru ari muri co ashigikira iyo mpamvu.
-
Ntushimike ku bintu bidakenewe. Niwirinde gusigura amajambo adahuye n’iciyumviro nyamukuru. Ufatiye ku vyo abakwumviriza basanzwe bazi ku ciyumviro muriko muraganirako, nuhitemwo amakuru akenewe yobafasha kugitahura neza.
