Igitabu c’umwaka c’Ivyabona vya Yehova 2015
Nusome ivyerekeye igikorwa Ivyabona vya Yehova baranguye mu 2014 hamwe n’inkuru yerekeye Ivyabona bo muri République dominicaine.
Icanditswe c’umwaka wa 2015
Icanditswe cacu c’umwaka wa 2015 ni Zaburi 106:1: “Nimukengurukire Yehova, kuko ari mwiza.”
Ikete rivuye ku Nama Nyobozi
Inama Nyobozi irashimira umuryango w’Ivyabona vya Yehova ukwiye kw’isi yose kubera igikorwa cabo kiva ku kwizera, ukubira akuya kwabo kuvuye ku rukundo, be n’ukwihangana kwabo.
Igikorwa kiriko kiratera imbere cane i Warwick
Raba ibintu biteye umunezero biriko biraba aho bariko barubaka icicaro gikuru gishasha c’Ivyabona vya Yehova.
Urwego rwo kw’isi yose rujejwe imigero n’ubwubatsi
Urwo rwego rushasha rujejwe igikorwa kidasanzwe co kwihutisha amashantiye y’ubwubatsi arenga 13.000.
Ntikomeye ngo isigaze!
Integuro yo mu 2013 ya Bibiliya y’isi nshasha irabereye ijisho kandi irakomeye.
Ikoraniro ryakurikiranywe n’Ivyabona benshi cane
Ikoraniro riba buri mwaka rigira 129 ry’ishirahamwe Watch Tower Bible and Tract Society of Pennsylvania ryitabwe n’Ivyabona benshi kuruta abigeze gukurikira iyindi porogarama iyo ari yo yose.
Kwegurira Imana inyubakwa z’ishami rya Sri Lanka
Muri iyo porogarama harakoreshejwe ubuhinga budasanzwe bwatuma abari mu bibanza bitandukanye bashobora kubonana.
Raporo y’ivy’imanza
Ivyabona vya Yehova barabandanya kuburanira umwidegemvyo wabo w’ivy’ugusenga.
Udukuru two hirya no hino kw’isi
Ni igiki catumye udukobwa tubiri two muri Jeworojiya dutanga amahera twari twategekanirije kugura telefone ngendanwa?
“Turabonye ibintu bitabaho”
Ni ibintu ibihe biriko biraba muri kino gihe vyogereranywa n’ibitangaro vyabaye mu gihe ca Yezu?
Afrika
Nusome incamake y’igikorwa cacu co kwigisha Bibiliya twakoze mu 2014 muri Angola, Kongo (Kinshasa), Gana, Nijeriya, no muri Afrika y’Epfo.
Amerika
Nusome incamake y’igikorwa co kwigisha Bibiliya twakoze mu 2014 muri Arjantine, Brezile, Hayiti, Paraguay, no muri Suriname.
Aziya n’ibihugu vy’Abarabu
Nusome incamake y’igikorwa co kwigisha Bibiliya twakoze mu 2014 muri Endoneziya, Mongoliya, Filipine, no mu kindi gihugu co muri Aziya.
Uburaya
Nusome incamake y’igikorwa co kwigisha Bibiliya twakoze mu 2014 muri Bilgariya, Finlande, Ubudagi, Rumaniya, Uburusiya, Espanye, no muri Suwede.
Oseyaniya
Nusome incamake y’igikorwa co kwigisha Bibiliya twakoze mu 2014 muri Kiribati, mu Mazinga ya Marshall, muri Papouasie-Nouvelle-Guinée, no muri Vanuwatu.
Ibintu nyamukuru biranga République dominicaine
Nurabe ibigize ico gihugu mu ncamake be n’abantu baho.
Kwubura
Igihe abamisiyonari ba mbere bo muri République dominicaine bashika, haciye igihe kingana iki imbere y’uko batanguza inyigisho ya Bibiliya?
“Tuzobamenya”
Haheze imyaka 13 Pablo González yahavuye aronka abo yarondera.
Gupfungwa no kubuzwa
Ivyabona bamwebamwe bashoboye gute kwihanganira imyaka bamaze bafatwa nabi mu gasho?
Igikorwa co kwamamaza kibandanya
Abamamaji mu gutanga raporo aho kwandika ngo amasubirayo n’amasaha, bandika urutonde rw’ibisumwa ruriko amashu n’amapinari.
Bemererwa, bagaca basubira kubuzwa
Ivyabona vya Yehova bamaze imyaka itandatu babujijwe muri République dominicaine, bemererwa mu 1956, haheze amezi 11 baca barasubira kubuzwa.
Ekleziya Gatolika na Trujillo
Ekleziya yamaze igihe ishigikira umukuru w’igihugu yatwaza igikenye wo muri République dominicaine, ariko yahavuye isokora akarenge yongera irasaba ikigongwe abanyagihugu bo muri République dominicaine.
Igitero gikaze
Ivyabona baragiriwe nabi koko; ariko none ababagiriye nabi barashitse ku co bashaka?
Umukuru ni nde?
Imashini yitwa ronéo, umugereni munini uvamwo amavuta, igunira, n’imyumbati ni vyo vyakoreshwa kugira haboneke ibifungurwa vyo mu vy’impwemu no kugira bikwiragizwe igihe igikorwa cari kibujijwe.
Bari mu kaga
Naho Ivyabona bo muri République dominicaine bari babujijwe kugira amakoraniro, bararondeye ubundi buryo bwo kubandanya bayagira mu kinyegero.
Kwumira kw’ibanga bivamwo kwemererwa
Haheze imyaka Leta ibarwanya, Ivyabona bo muri République dominicaine barafashijwe n’umuntu batiyumvira.
“Nararwanye nk’intambwe”
Luis Eduardo Montás, uwagerageje incuro zibiri kwica umukuru w’igihugu ciwe yatwaza igikenye, yarubuye ukuri kwo muri Bibiliya igihe yariko arondera ukuntu yosubira kugerageza kumwica.
Icizigiro c’Ubwami si indoto
Efraín De La Cruz yarapfunzwe mu busho indwi yongera arakubitwa bunyamaswa kubera ko yamamaza inkuru nziza. Ni igiki catumye aguma ari umunyamwete mu myaka irenga 60?
Nzoguma ndi Icabona ca Yehova
Mary Glass yaratewe ubwoba n’umupadiri ngo asomye Bibiliya yociye asara, ariko yarayisomye kandi yarabonye igituma yari yamubujije kuyisoma.
Umwidegemvyo wo kwamamaza
Inyuma y’aho Trujillo agandaguriwe, haraje abandi bamisiyonari, baratangura kwamamaza. Buhorobuhoro baratumye abantu bareka kwinuba Ivyabona vya Yehova.
Barashinze imizi
Igikorwa co kwamamaza carateye imbere naho hari imigumuko mu vya politike. Ni igiki cerekanye ko Ivyabona vya Yehova bashinze imizi muri République dominicaine?
Hakenerwa abandi bamamaji
Ntitworangiza inkuru y’Ivyabona vya Yehova bo muri République dominicaine tutavuze abitavye akamo batewe basabwa kuza kwamamaza.
Barakunda abavukanyi babo
Igihe igihuhusi ciswe Georges catera muri République dominicaine mu 1998, ibintu biranga urukundo Ivyabona bakoze vyariruye abantu benshi vyongera biraninahaza Yehova Imana.
Guhuza n’iyongerekana
Uko igitigiri cabo caguma ciyongera, Ivyabona bari gukora iki kugira ngo biyemeze ko hariho ibibanza vyo gusengeramwo bikwiye, hamwe n’abavukanyi bahumuye bo kuja imbere abandi?
Kwamamaza mu gikrewole co muri Hayiti
Ivyabona vya Yehova barabwira inkuru nziza y’Ubwami abantu bavuga igikrewole co muri Hayiti. Hahavuye hashingwa amashengero, kandi harabaye n’ivyigwa vyo kwigisha urwo rurimi.
Ikinyamugigima cateye muri Hayiti
Ibiro vy’ishami vy’Ivyabona vya Yehova vyo muri République dominicaine vyaratanze imfashanyo nyinshi inyuma ya ca kinyamugigima catera muri Hayiti mu 2010. Abantu benshi cane baritanze barafasha.
Ivyizigiro biteye umunezero
Igikorwa co kwamamaza no guhindura abantu abigishwa muri République dominicaine kiraremvye kuva mu 1945. Hariho imvo ikomeye yo kwitega ko hazoba iyongerekana.
Yehova yaruguruye imitima y’abantu benshi
Mu kiringo cose Leonardo Amor yamaze i La Vega, nta n’umwe yashimishijwe n’ukuri kwo muri Bibiliya. Abantu boba bari kwigera bahindura imitima?
Abantu 22 baravuye mw’idini ryabo
Vyavugwa ko Ivyabona vya Yehova bariko baronona abanyagisagara n’inyigisho za Shetani. Yamara, Ivyabona bakoresha ivyanditswe vya Bibiliya kugira ngo bishure mu buryo bujijura ibibazo abantu baba babajije.
Mva ku kuba umuhakanamana nkaba umusavyi w’Imana
Juan Crispín yari umuhakanamana yiyumvira ko isi yobaye nziza biciye kw’ihindagurika. Ni igiki camuhinduye akava ku kuba umuhakanamana akaba umusavyi w’Imana?
Umuragi wa mbere yemeye ukuri
José Pérez ni we muragi wa mbere wo muri République dominicaine yabaye Icabona. José yashoboye gute kwumva ubutumwa bwo muri Bibiliya yongera aratahura inyigisho zabwo mu buryo bwimbitse kandi yari umuragi?
Ubuzima bwiwe bugira intumbero
José Estévez n’umuryango wiwe bararonse ubuzima buri n’intumbero. Biboneye gute ko Yehova ashitsa ivyo asezerana?
Numvise noheba gukorera Imana
Naho Martín Paredes yariko arigira ubupadiri, yarumvise yoheba gukorera Imana. Igitabu yatijwe n’umunyabigega wo mw’iseminari cahinduye gute ubuzima bwiwe?
Haraciye imyaka ijana kuva mu 1915
Ivyabona vya Yehova bavyifashemwo gute mu gihe co kugezwa c’inyuma y’umwaka wa 1914?
