Ni ibiki Imana igomba?
Imana igomba ko tuba mw’iparadizo kw’isi ibihe bidahera dufise amahoro kandi duhimbawe!
Hari aho woca wibaza uti: ‘Ivyo bishoboka gute?’ Bibiliya ivuga ko Ubwami bw’Imana buzotuma bishoboka, kandi Imana igomba ko abantu bose biga ivyerekeye ubwo Bwami be n’umugambi idufitiye.—Zaburi 37:11, 29; Yesaya 9:7.
Imana itwipfuriza ineza.
Nka kurya nyene sebibondo mwiza yipfuriza ineza abana biwe, Data wa twese wo mw’ijuru yipfuza ko duhimbarwa ibihe bidahera. (Yesaya 48:17, 18) Yasezeranye ko “uwukora ukugomba [kwiwe] agumaho ibihe vyose.”—1 Yohani 2:17.
Imana igomba ko tugendera mu minyuro yayo.
Bibiliya ivuga ko Umuremyi wacu agomba ‘kutwigisha inzira ziwe’ kugira ngo dushobore ‘kugendera mu minyuro yiwe.’ (Yesaya 2:2, 3) Yaratunganije “igisata ku bw’izina [ryiwe]” kugira ngo ivyo agomba bimenyekane kw’isi yose.—Ivyakozwe 15:14.
Imana igomba ko twunga ubumwe mu kuyisenga.
Ugusenga Yehova gutyoroye kuratuma abantu bunga ubumwe mu rukundo nyakuri, aho gutuma bicamwo imice. (Yohani 13:35) Ni bande muri iki gihe bariko barigisha abantu bo hirya no hino kw’isi ingene bosukurira Imana bunze ubumwe? Tukuremesheje kurimbura kano gatabu kugira ngo ubamenye.
Raba kandi
IBITWEREKEYE
Ingene dufasha abantu kwiga Bibiliya
Kw’isi yose, birazwi ko Ivyabona vya Yehova bagendera abantu kugira ngo babigishe Bibiliya ku buntu. Raba ingene bigenda.
IBITWEREKEYE
Ni kubera iki ukwiye kwiga Bibiliya?
Bibiliya iriko irafasha abantu amamiliyoni kw’isi yose kuronka inyishu z’ibibazo bihambaye cane mu buzima. Woba nawe wobishima?
