Iterabwoba ryoba rizokwigera rihera?
Inyuma y’igitero ca ba gaterabwoba, ni ibisanzwe kwibaza uti: ‘Imana yoba ivyitaho? Kubera iki ibi bintu vyabaye? Iterabwoba a ryoba rizokwigera rihera? Ni ibiki vyomfasha kurengera ubwoba mfise?’ Bibiliya iratanga inyishu ziremesha z’ivyo bibazo.
Imana ibona gute iterabwoba?
Imana iranka ubugizi bwa nabi n’iterabwoba. (Zaburi 11:5; Imigani 6:16, 17) Na Yezu, intumwa y’Imana, yarahambariye abigishwa biwe igihe bagirira nabi abandi. (Matayo 26:50-52) Naho hari abivugisha ko bakora ibitero vy’ubugizi bwa nabi mw’izina ry’Imana, ntibarekurira kubikora. Nkako, ntiyumviriza n’amasengesho yabo.—Yesaya 1:15.
Imana iritaho abari mu ngorane bose, harimwo n’abashikiwe n’ingaruka z’ibitero vya ba gaterabwoba. (Zaburi 31:7; 1 Petero 5:7) Bibiliya kandi irerekana ko Imana izokuraho ubugizi bwa nabi.—Yesaya 60:18.
Igituma haba iterabwoba
Bibiliya irahishura imvo nyamukuru ituma haba iterabwoba. Igira iti: “Umuntu yaganje uwundi mu kumugirira nabi.” (Umusiguzi 8:9) Kuva kera, abantu bafise ububasha bamye bakoresha iterabwoba mu gukandamiza abandi. Hari abandi baca bakoresha iterabwoba kugira bihore ababagiriye nabi.—Umusiguzi 7:7.
Ingene iterabwoba rizovaho
Imana isezerana kuzokuraho ubwoba n’ubugizi bwa nabi maze izane amahoro kw’isi. (Yesaya 32:18; Mika 4:3, 4)
Izokuraho igituma haba iterabwoba. Imana izokuraho intwaro z’abantu izisubirize n’intwaro yayo izoba iganza isi yose. Yezu Kristu Umutware w’iyo ntwaro azogirira neza abantu bose kandi azokuraho agahahazo n’ubugizi bwa nabi. (Zaburi 72:2, 14) Ico gihe nta n’umwe azoba agikora iterabwoba. Abantu“bazokwinovora amahoro menshi.”—Zaburi 37:10, 11.
Izokuraho ingaruka zose z’iterabwoba. Imana izokiza abantu ingaruka z’iterabwoba haba ku mubiri canke ku mutima. (Yesaya 65:17; Ivyahishuwe 21:3, 4) Mbere isezerana ko izozura abapfuye itume basubira kubaho mw’isi irangwa amahoro.—Yohani 5:28, 29.
Bibiliya iraduha imvo zumvikana zituma twemera ko Imana igiye kubikora vuba. Yamara, woshobora kwibaza uti: ‘None ni kubera iki Imana itarakuraho iterabwoba?’ Kugira uronke inyishu y’ico kibazo, raba ividewo ivuga ngo Kubera iki Imana ireka tugashikirwa n’ingorane?
a “Iterabwoba” muri rusangi ryerekeza ku kugirira nabi abandi canke kubatera ubwoba ko uzobagirira nabi na canecane rikagirirwa abanyagihugu kugira bagire ubwoba maze ushike ku co wipfuza mu vya politike, mu vy’idini canke mu kibano. Ariko rero, abantu boshobora kutavuga rumwe ku bijanye n’uko igitero kanaka coba ari iterabwoba canke atari ryo.
Raba kandi
IBINDI BIGANIRO
Ingene wokwirinda kwiganyira
Ni impanuro ngirakamaro izihe be n’ivyanditswe vyo muri Bibiliya bishobora kugufasha kutiganyira birenze?
IBINDI BIGANIRO
Niwizigire ko kazoza ari keza
Kubera iki ivyo Bibiliya isezerana bitandukanye n’ivyo abantu basezerana hamwe n’ivyo bavuga ko bizoba?
INYISHU Z’IBIBAZO BISHINGIYE KURI BIBILIYA
Ubwami bw’Imana ni iki?
Rimbura igituma intwaro y’Imana iruta izindi ntwaro zose.
UMUNARA W’INDERETSI
Ubwami bw’Imana buzokora ibiki?
Yezu yari azi ko Ubwami bw’Imana ari yo ntwaro yonyene ishobora gutorera umuti ingorane ziri kw’isi. Ni ibiki ubwo Bwami bumaze gukora bituma tugira icizigiro?
IBINDI BIGANIRO
Akarenganyo koba kazokwigera kavaho kw’isi?
Bibiliya irerekana ko ubutungane nyakuri buva ku Mana kandi ko ibona yuko abantu bose bangana.
INYIGISHO Z'ISHIMIKIRO ZO MURI BIBILIYA
Kubera iki Imana ireka tugashikirwa n’ingorane?
Abantu benshi baribaza igituma isi yuzuyemwo urwanko n’ingorane. Bibiliya iratanga inyishu itomoye kandi ihumuriza.
