Kubera ko twimirije amakuba akomeye, kwamamaza birihutirwa cane. (Img 24:11, 12, 20) Kugira dufashe abantu, turashobora gukoresha udukarata twa jw.org kugira tuberekeze kw’Ijambo ry’Imana canke ku rubuga rwacu. Utwo dukarata turiko kode ishikana umuntu kuri ka kavidewo kavuga ngo Ni kubera iki ukwiye kwiga Bibiliya? Turiko n’ubutumwa bumuremesha gusaba kwiga Bibiliya canke kumenya n’ibindi. Hari abantu batoshima kwakira ibitabu vyacu mugabo bagashima kuja ku rubuga rwacu. Ntiwitinye kubaha ako gakarata. Ariko rero, ntuze ugasigire abatagaragaje ugushimishwa.

Igihe uri mu dukorwa twawe twa misi yose, urashobora kuvyurira umuntu ugushimishwa mu kumubwira gusa uti: “Hari akantu nashaka kuguha. Aka gakarata kagushikana ku rubuga ushobora kuronkako amakuru be n’amavidewo bitandukanye ku buntu.” (Yoh 4:7) Kubera ko utwo dukarata ari dutoduto, urashobora kuza uragendana dukeyi kugira ushinge intahe uronse akaryo.