Ni kamere izihe ushima ku mugenzi? Ushobora kuba uha agaciro ukudahemuka, ukumera neza n’ugutanga. Izo kamere zose Yehova arazifise. (Kv 34:6; Ivk 14:17) Arakwumviriza igihe umusenga. Aragufasha igihe cose ubikeneye. (Zb 18:19, 35) Arakubabarira igihe wamucumuyeko. (1Yh 1:9) Ese ukuntu Yehova ari umugenzi mwiza igitangaza!

Ushobora kuba umugenzi wa Yehova gute? Niwige ibimwerekeye mu gusoma Ijambo ryiwe. Numuserurire akari ku mutima. (Zb 62:8; 142:2) Niwerekane ko uha agaciro ivyo Yehova abona ko bihambaye aho twovuga nk’Umwana wiwe, Ubwami bwiwe be n’ivyo adusezeranira muri kazoza. Nubwire abandi ibimwerekeye. (Gus 32:3) Niwatsimbataza ubucuti somambike na Yehova, azoba umugenzi wawe ibihe bidahera.​—Zb 73:25, 26, 28.

NIMURABE IVIDEWO IVUGA NGO YEMWE BAKIRI BATO, “NIMUHONJE MUBONE KO YEHOVA ARYOSHE,” MUCE MWISHURA IBIBAZO BIKURIKIRA:

• Wokwitegurira gute kwiyegurira Yehova no kubatizwa?

• Abagize ishengero bashobora gute kugufasha gukorera Yehova?

• Igikorwa co kwamamaza kigufasha gute gukomeza ubucuti ufitaniye na Yehova?

• Ni imice iyihe y’umurimo woshobora gukora?

• Ni ibiki bituma ukunda Yehova?