Yesaya yaratubereye akarorero mu bijanye no kwitanga. Akimenya ko hakenewe uwitanga, yaciye abigira abitumwe n’ukwizera, naho atari afise amakuru yose. (Yes 6:8) Woba wogira ivyo uhinduye mu buzima kugira uje gufasha ahakenewe cane abamamaji? (Zb 110:3) Ni ivy’ukuri ko utegerezwa ‘guharura’ ico vyogusaba kugira ujeyo. (Lk 14:27, 28) Ariko niwemere kugira ivyo uhevye kugira uteze imbere igikorwa co kwamamaza. (Mt 8:20; Mr 10:28-30) Nk’uko ividewo ivuga ngo Kuja gukorera ahakenewe cane abamamaji ivyerekana, ivyo duheba nta co bivuze tubigereranije n’imihezagiro turonka mu gukorera Yehova.

• Ni ibiki umuryango uvugwa muri iyo videwo wahevye kugira uje gufasha muri Équateur?

• Ni ibiki bisunze kugira bahitemwo aho bazoja gukorera?

• Ni imihezagiro iyihe baronse?

• Ni hehe wokura amakuru ajanye n’ugukorera ahakenewe cane abamamaji?

• Twokwagura gute umurimo uko tugize umuryango? (km 8/11 4-6)

• Nimba tutoshobora kuja gukorera ahakenewe cane abamamaji, twofasha gute mw’ishengero ryacu? (w16.03 23-25)