Muri Nyakanga tuzokwihatira gutanguza inyigisho za Bibiliya ku bo duhura bose dukoresheje agatabu Urashobora kwiberaho ibihe bidahera. Abamamaji boshobora kuzohitamwo gukora ubutsimvyi bwo gufasha bw’amasaha 30. None iryo sekeza rizogenda gute?

• Mugihura n’umuntu: Nukoreshe urupapuro rwa nyuma rw’ako gatabu kugira umuvyurire ugushimishwa, uce ugerageza kumwereka ukuntu twigisha abantu. Ntiwibagire n’abaheruka gushimishwa, harimwo n’amasubirayo. Naho boba baranse kwiga Bibiliya, hari aho boshimishwa n’ubwo buryo bushasha bwo kwiga hamwe n’ako gatabu gashasha. Ntidukwiye gusiga ako gatabu ku mihana tutasanzeko abantu canke ngo tukarungikire abantu batashimishijwe. Komite y’umurimo y’ishengero irashobora gutunganya ayandi makoraniro yo gusohoka mu ndimiro muri ukwo kwezi.

• Utundi turyo two kwamamaza: Nimba ishengero ryanyu rikoresha twa tuntu tw’amapine, nimushireko icapa c’agatabu Urashobora kwiberaho ibihe bidahera. Nubwire abashimishijwe ko dukoresha ako gatabu mu kuganira n’abantu kuri Bibiliya ku buntu. Nuce ubereka muri make ingene iyo nyigisho ya Bibiliya igenda canke uzobibereke ikindi gihe. Umucungezi w’umurimo yoshobora gutunganya ivy’uko abamamaji bakwije ibisabwa baja mu bibanza vy’ubudandaji mu cibare canyu, bagasaba abantu kwiga Bibiliya. Woshobora kandi gusaba abo mukorana ngo mwige Bibiliya canke abo ubwira inkuru nziza akaryo kizanye.

Yezu yadutegetse ‘guhindura abantu abigishwa’ no ‘kubigisha.’ (Mt 28:19, 20) Ese iri sekeza ridasanzwe ryodufasha gushika kuri iyo ntumbero dukoresheje agatabu Urashobora kwiberaho ibihe bidahera.