Abo mw’ishengero ry’i Tesalonika baragaragarije urukundo abakirisu bagenzi babo, naho bari mu ngorane. (2Ts 1:3, 4) N’abasavyi ba Yehova muri iki gihe, baragaragariza urukundo mwene urwo umuryango w’abavukanyi ukwiye kw’isi yose. Urukurikirane rw’ibiganiro dusanga kuri jw.org ruvuga ngo “Ingene intererano mutanga zikoreshwa” rurerekana uburyo butandukanye intererano mutanga zishigikira abavukanyi banyu muri ibi bihe bigoye. Turabashimira ku kuntu mutanga cane mubigiranye urukundo.

NIMURABE IVIDEWO IVUGA NGO TWAMA “DUKENGURUKIRA IMANA KU BWANYU,” MUCE MWISHURA IBIBAZO BIKURIKIRA:

• Ni ibikorwa bimwebimwe ibihe intererano dutanga zishigikira?

• Uburyo bwiza bwo gushigikira mu vy’amahera abavukanyi bari mu nkenero ni ubuhe?​—Raba n’ikiganiro “Ukuntu umusesekara wa bamwe wuzuriza ugukehanirwa kw’abandi” kuri jw.org