Muri Munyonyo, tuzogira akigoro kadasanzwe ko kubwira abantu inkuru nziza y’uko isi nziza kuruta iri hafi. (Zb 37:10, 11; Ivy 21:3-5) Nutunganye ivyawe kugira uzogire uruhara bimwe bishitse muri iryo sekeza. Uhisemwo gukora ubutsimvyi bwo gufasha muri ukwo kwezi, uzoshobora gukora amasaha 30 canke 50.

Urama witeguriye gusomera abantu benshi bashoboka icanditswe kivuga ibijanye n’isi nshasha. Igihe uhitamwo ivyanditswe wosoma, nurabe ivyoshimisha abantu bo mu cibare cawe. Mugihura n’umuntu maze akerekana ko ashimishijwe, nuce umuha integuro ya bose y’Umunara w’Inderetsi No. 2 2021. Uraca rero usubira kuyaga na we vuba bishoboka maze ugerageze gutanguza inyigisho ya Bibiliya ukoresheje agatabu Urashobora kwiberaho ibihe bidahera. Ese ukuntu bihimbaye kugira uruhara bimwe bishitse mu kubwira abantu “inkuru nziza y’ikintu ciza kuruta”!​—Yes 52:7.

NIMURABE RWA RURIRIMBO RUSANZWE RUVUGA NGO YA SI NSHASHA YIMIRIJE, MUCE MWISHURA IBIBAZO BIKURIKIRA:

• Ni kazoza keza igitangaza akahe ako gakobwa kariko karabona mu bwenge?

• Ni ibintu bimwebimwe ibihe ushashaye kubona mw’isi nshasha?

• Kuzirikana ku cizigiro cawe vyogufasha gute kwitegurira kugira uruhara bimwe bishitse mw’isekeza ryo muri Munyonyo?​—Lk 6:45