UBUZIMA BW’UMUKIRISU
Yehova abibona gute?
Imbere yo gufata ingingo, yaba iyihambaye canke iyisanzwe, twoba twibaza duti: ‘Yehova abibona gute?’ Naho tutazokwigera tumenya akantu kose ku kuntu Yehova yiyumvira, aratubwira muri Bibiliya ibikenewe vyose kugira dukore “igikorwa ciza cose.” (2Tm 3:16, 17; Rm 11:33, 34) Yezu yaratahura neza ivyo Se agomba, kandi ni vyo yashira imbere mu buzima. (Yoh 4:34) Ese twomwigana mu gukora ivyo dushoboye vyose kugira dufate ingingo zihimbara Yehova.—Yoh 8:28, 29; Ef 5:15-17.
NIMURABE IVIDEWO IVUGA NGO NUBANDANYE GUTAHURA IVYO YEHOVA AGOMBA (LW 19:18), MUCE MWISHURA IBI BIBAZO:
-
Kubera iki dukwiye gukurikiza ingingo ngenderwako zo muri Bibiliya mu buzima bwacu?
-
Ni ingingo ngenderwako izihe twokwisunga igihe duhitamwo imiziki?
-
Ni ingingo ngenderwako izihe twokwisunga igihe duhitamwo uburyo bwo kwambara no kwitunganya?
-
Dukwiye gukurikiza ingingo ngenderwako zo muri Bibiliya mu yindi mice iyihe y’ubuzima?
-
Tworushiriza gute gutahura ivyo Yehova agomba?
Ingingo mfata zihishura iki ku bijanye n’ubucuti mfitaniye na Yehova?
