UBUZIMA BW’UMUKIRISU

Woba witeguriye ingorane mu vy’ubutunzi?

VUZA

Ntibidutangaza igihe ibintu biba kw’isi bitumye ivy’ubutunzi bihungabana kw’isi yose. Kubera iki? Turi ku nsozero y’imisi ya nyuma kandi Bibiliya iratuburira ngo ntitwizigire “ubutunzi butari ubwo kwizigirwa.” (1Tm 6:17; 2Tm 3:1) Akarorero k’Umwami Yehoshafati kotwigisha iki ku bijanye no kwitegurira ingorane mu vy’ubutunzi?

Igihe Yehoshafati yari ahanganye n’iterabwoba ryava mu bihugu vy’abansi, yarizigiye Yehova. (2Ng 20:9-12) Yaranateguye ihanga imbere y’igihe mu kwubaka impome z’ibisagara no mu gushiraho ibirindiro. (2Ng 17:1, 2, 12, 13) Cokimwe na Yehoshafati, biraba vyiza twizigiye Yehova tukongera tukitegurira ibihe bigoye.

TWOKORA IKI KUGIRA TWITEGURIRE INGORANE MU VY’UBUTUNZI?

Niwitegure mu vy’impwemu: Nubumbwe n’ivyo ufise, wongere urushirize kwizigira ko Yehova ashoboye kukuronsa ivyo ukenera buri musi. (Mt 6:26; 1Tm 6:8) Niwiyemeze kutigera urenga ku ngingo ngenderwako zo muri Bibiliya kugira wironse ivyo ukeneye. (Rm 2:21) Nuzirikane ukuntu woronka ibifungurwa vy’impwemu hamwe umuyagankuba canke internet vyocika. Nugume ufise ibitabu bikeyi wacaguye vyo mu mpapuro, nimba naho bishoboka ubivome mu buhinga bwa none imbere y’igihe.

Niwitegure mu vy’umubiri: Nugabanye amadeni be no gusohora amahera bidakenewe imbere y’uko ingorane mu vy’ubutunzi zaduka. (Img 22:7) Nimba bishoboka, nubike ibifungurwa bibayabaye be n’ibindi bintu vya nkenerwa. Hari abohitamwo gutera akarima k’imboga kugira baziganye amahera.

NIMURABE IVIDEWO IVUGA NGO WOBA WITEGURIYE ICAGO? MUCE MWISHURA IBIBAZO BIKURIKIRA:

Ni ibiki twokora ku giti cacu kugira twitegurire icago?

Inyishu yawe

Twokwitegurira gute gufasha abandi?

Inyishu yawe

AGATABU K’IKORANIRO RY'UBUZIMA BWACU N’IGIKORWA CACU