Ese umuntu ashobora gusezera mu Bahamya ba Yehova?
Yego. Umuntu ashobora gusezera mu idini ryacu. Dore uburyo bubiri yabikoramo:
Gusaba kuvamo. Umuntu ashobora kuvuga ko atacyifuza kwitwa Umuhamya wa Yehova cyangwa akabigaragaza mu nyandiko.
Ibikorwa bye. Nanone ibyo umuntu akora bishobora kugaragaza ko atakiri Umuhamya wa Yehova (1 Petero 5:9). Urugero, ashobora kujya mu rindi dini kandi akagaragaza ko afite intego yo kurigumamo.—1 Yohana 2:19.
Tuvuge ko umuntu atakibwiriza, ntaze no mu materaniro yanyu. Ese ubwo mwavuga ko yasezeye mu idini ryanyu?
Oya. Gusezera cyangwa kwitandukanya natwe bitandukanye no kugira ukwizera guke. Incuro nyinshi iyo abantu bamaze igihe baracogoye cyangwa bararetse kujya mu materaniro no kubwiriza, baba bakiri Abahamya, ariko baracitse intege. Tugerageza kubahumuriza no kubafasha, aho kubatererana (1 Abatesalonike 5:14; Yuda 22). Iyo abantu nk’abo bakeneye guterwa inkunga, abasaza b’itorero ni bo bafata iya mbere bakabafasha mu buryo bw’umwuka.—Abagalatiya 6:1; 1 Petero 5:1-3.
Icyakora, abasaza nta burenganzira bafite bwo guhatira umuntu gukomeza kuba Umuhamya wa Yehova. Buri wese yihitiramo idini ashaka (Yosuwa 24:15). Twizera ko abasenga Imana bagomba kubikora babishaka kandi babikuye ku mutima.—Zaburi 110:3; Matayo 22:37.
Ibindi wamenya
GUTANGIZA IBIGANIRO
Abahamya ba Yehova ni bantu ki?
Abantu benshi bifuza kumenya Abahamya ba Yehova abo ari bo. Bibarize kugira ngo ubamenye neza.
IBIBAZO ABANTU BAKUNZE KWIBAZA
Ese Abahamya ba Yehova baha akato abatakiri mu idini ryabo?
Hari igihe guca umuntu biba ngombwa, kandi bishobora kumufasha kugaruka mu itorero.
IBIBAZO BISHINGIYE KURI BIBILIYA
Ese ni ngombwa kugira idini ubarizwamo?
Ese umuntu ashobora gusenga ku giti cye?
IBIBAZO ABANTU BAKUNZE KWIBAZA
Ese kwigana Bibiliya n’Abahamya ba Yehova bisobanura ko mpinduka Umuhamya?
Abantu bo ku isi hose babarirwa muri za miriyoni bigishwa Bibiliya mu rurimi rwabo ku buntu. Ese niba wemeye kwiga Bibiliya ni ngombwa ko uhinduka Umuhamya?
ABO TURI BO
Jya mu materaniro
Menya ibyerekeye amateraniro yacu, umenye n’aho amateraniro yacu abera hafi y’aho utuye.