Abahamya ba Yehova bagira gahunda yagufasha kumenya neza ibyo Bibiliya yigisha. Iyo gahunda yo kwiga Bibiliya izagufasha:

•   Kugira ubuzima bwiza

•   Kuba inshuti y’Imana

•   Kumenya icyo Bibiliya ivuga ku gihe kizaza

Muri iyi ngingo turi busuzume:

•  Kwiga Bibiliya bikorwa bite?

•  Ese ngomba kwishyura?

•  Kwiga bimara igihe kingana iki?

•  Nakora iki ngo ntangire kwiga Bibiliya?

•  Ese nshobora kugerageza isomo rya mbere?

•  Ese nintangira kwiga Bibiliya nzaba nitezweho kuba Umuhamya wa Yehova?

•  Ese nakoresha Bibiliya yange?

•  Ese natumira abandi tukigira Bibiliya hamwe?

•  Ese niba narigeze kwigana Bibiliya n’Abahamya ba Yehova, nakongera kuyiga?

•  Ese nshobora kwiyigisha Bibiliya ku giti cyange?

 Umuhamya wa Yehova azagufasha kwiga Bibiliya. Muzajya muganira ku ngingo imwe nimuyirangiza muge ku yindi. Muzakoresha igitabo Ishimire Ubuzima Iteka Ryose, uzagenda umenya icyo Bibiliya yigisha n’uko yakugirira akamaro. Niba wifuza kumenya byinshi, reba iyi videwo.

 Oya. Twebwe Abahamya ba Yehova dukurikiza itegeko Yesu yatanze igihe yabwiraga abigishwa be ati: “Mwaherewe ubuntu, mutange ku buntu” (Matayo 10:8). Nanone, imfashanyigisho hakubiyemo Bibiliya n’igitabo Ishimire Ubuzima Iteka Ryose na byo bitangwa ku buntu.

 Amasomo azagufasha kwiga Bibiliya ni 60. Ni wowe uzihitiramo igihe umara wiga, icyakora abenshi bishimira kwiga isomo rimwe cyangwa menshi buri cyumweru.

1.  1. Uzuza fomu iri ku rubuga rwacu usabe kwiga Bibiliya. Amakuru uzatanga nta kindi azakoreshwa, ni yo azafasha Umuhamya wa Yehova kumenya aho uherereye n’uko yakugeraho.

2.  2. Umuhamya wa Yehova azakuvugisha. Umuhamya wo mu gace k’iwanyu azagusobanurira uko kwiga Bibiliya bikorwa n’icyo bizakumarira, azasubiza n’ibindi bibazo wibaza bishingiye kuri Bibiliya.

3.  3. Wowe n’uwo Muhamya muzashyiraho gahunda ibanogeye. Ushobora kwigira kuri terefone, iwawe cyangwa ugakoresha ikoranabuhanga rya videwo, amabaruwa cyangwa imeri. Ubusanzwe kwiga bimara isaha ariko icyo gihe gishobora kwiyongera cyangwa kikagabanuka bitewe n’uko ubishaka.

 Yego. Uzuza fomu iri ku rubuga rwacu usabe kwiga Bibiliya. Umuhamya wo mu gace k’iwanyu nakuvugisha, uzamubwire ko wifuza kugerageza ayo masomo ngo urebe niba wabikunda. Icyo gihe azakoresha agatabo Ishimire Ubuzima Iteka Ryose karimo amasomo atatu abanza, ayo masomo azagufasha kumenya niba uzishimira kwiga.

 Oya. Abahamya ba Yehova bishimira cyane kwigisha abantu Bibiliya ariko nta muntu bahatira kujya mu idini ryabo. Twereka abantu icyo Bibiliya yigisha tububashye ariko tuzirikana ko buri muntu afite uburenganzira bwo kwihitiramo ibyo yizera.—1 Petero 3:15.

 Yego. Ushobora gukoresha Bibiliya yose wifuza. Dukunda gukoresha Bibiliya y’ubuhinduzi bw’isi nshya kubera ko ikoresha imvugo yoroshye kandi yumvikana. Icyakora tuzirikana ko buri muntu yishimira gukoresha Bibiliya amenyereye.

 Yego. Ushobora gutumira umuryango wawe cyangwa inshuti zawe.

 Yego. Mu by’ukuri ushobora kwishimira uko kwiga Bibiliya bikorwa ubu, kuko byanonosowe kugira ngo bihuzwe n’ibyo abantu bakeneye. Amasomo yaranonosowe, ateguye ku buryo ugira icyo uvuga wisanzuye kandi arimo videwo nyinshi.

 Yego. Nubwo abantu benshi bishimira kwigishwa n’umuntu, abandi bo baba bifuza kubanza kwiyigisha mu gihe bagitangira. Ahari ibikoresho bidufasha kwiga Bibiliya ku rubuga rwacu, hari ibikoresho byinshi byagufasha. Dore bimwe muri byo byagufasha igihe urimo kwiyigisha:

•   Videwo zikoreshwa mu kwigisha Bibiliya. Izo videwo zisobanura inyigisho z’ingenzi za Bibiliya.

•   Ibibazo bishingiye kuri Bibiliya. Iyi ngingo isubiza ibibazo bitandukanye bishingiye kuri Bibiliya.

•   Ibisobanuro by’imirongo yo muri Bibiliya. Menya icyo imirongo n’imvugo zizwi cyane zo muri Bibiliya bisobanura.