Abubatsi barimo batunganya amatafari azakoreshwa.

Umwubatsi wo mu ikipi ishinzwe ibishushanyo mbonera apima ahazashyirwa inkuta. Arimo arakoresha ibikoresho byabigenewe ngo abikore neza. Iyo nzu iri hirya ni inzu y’amacumbi ya F, ikaba igeze kure yubakwa.

Umwubatsi utera igishahuro arimo apiriza amazi ku rukuta kandi agakoresha umwiko kugira ngo runoge neza. Kugira ngo amazi akoreshwe neza, hari urwego rubishinzwe rufata umwuka ukonje rukawunyuza mu cyuma cyabigenewe maze hakavamo amazi, akaba ariyo bakoresha batera igishahuro.

Imbere y’inzu y’amacumbi ya E, abubatsi barimo bashyira amapave mu muhanda.

Umwubatsi ufite imyaka 71 yubaka urukuta rw’inyuma rw’inzu y’amacumbi ya F. Kuva uyu mushinga watangira, Abahamya ba Yehova bagera mu 100 barengeje imyaka 70 bagiye bitanga, bagakoresha ubuhanga bwabo n’ubunararibonye bafite bashyigikira uyu mushinga.

Iyi foto yafatiwe mu kirere. Igaragaza amazu y’amacumbi azaba afite ibisenge bitangiza ibidukikije. Ibyo bisenge biterwaho ibyatsi hejuru ku buryo amazi yinjiramo ariko akagira ahantu agarukira ntiyangize inzu. Ibyatsi biba biri hejuru ni ibyatsi bisanzwe. Ibyo bisenge ntibyangiza ibidukikije, bigabanya amashanyarazi akoreshwa kandi bigatuma amazi y’imvura atagira ibyo yangiza. Imbere y’ayo mazu harimo kubakwa fondasiyo y’inzu y’amacumbi ya A hamwe na fondasiyo y’ahazubakwa inzu y’ibiro.

Abubatsi barimo bubaka ahazashyirwa urugi. Iyo bamaze gushyiramo inzugi ntibiba ngombwa ko bongera kuzisiga amarangi.

Nimugoroba abubatsi barimo barashyira fondasiyo imbere y’inzu y’ibiro. Hagati mu ifoto, abubatsi barimo barashinga ibyuma mu myobo bamaze kumenamo beto; iyo myobo ifite metero 20 z’ubujyakuzimu. Iyo nzu iri hakurya ni inzu y’amacumbi ya B.

Umwubatsi atunganya ahazanyura amatiyo anyuramo umwuka ushyushya mu nzu. Ayo matiyo ari mu gisenge. Ibisenge bizubakishwa imbaho kugira ngo ubukonje butagera mu nzu zo hejuru.

Umwubatsi uri mu ikipi ishinzwe finisaje arimo arasena urukuta kugira ngo bazarusigeho irangi. Arimo arakoresha imashini yabigenewe ivanaho umukungugu.

Abubatsi babiri barimo batunganya inzira igana ahazashyirwa insinga z’amashanyarazi. Iyo nzira bari kuyitunganya ku buryo izameramo ibyatsi bigatuma amazi y’imvura adatemba ngo yangize amazu.

Abasiga amarangi barimo barasiga ahazajya igikoni. Nyuma yaho bazashyiraho irangi rya nyuma.

Abubatsi barimo barubaka amabaraza. Ayo matiyo atukura mubona anyuramo umwuka ushyushye mu gihe cy’ubukonje kugira ngo sima n’inkuta basize irangi byume.

Umwubatsi arimo arakoresha igikoresho cyabigenewe afatisha ku rukuta tapi bometseho. Inyuma ye, hari abandi bubatsi bari kugenzura niba tapi bometse ku rukuta zarafashe neza.

Abubatsi bari mu nama iba buri munsi mbere y’uko batangira akazi. Uhagarariye ikipi y’abo bubatsi arimo arababwira uko bakwirinda impanuka n’ibishobora kubateza akaga. Abubatsi bakorera mu zindi nzego z’imirimo bitangiye gukora amasaha y’ikirenga kugira ngo basukure inzu y’amacumbi ya F no hafi yayo mbere y’uko abantu ba mbere baza kuyibamo.

Abubatsi bo mu isosiyete y’ubwubatsi barimo barangiza kubaka amabaraza yo ku nzu y’amacumbi ya F. Buri baraza ry’inzu y’amacumbi risize irangi ritandukanye n’iry’indi kugira ngo umuntu abashe kuyatandukanya. Nanone batoranya irangi basiga bakurikije uko amababi y’ibiti biri hafi y’inzu y’amacumbi biba bisa. Hirya yaho, bari gukuraho ibintu byari bikikije iyo nzu bari barashyizeho kugira ngo ubukonje butabangamira abubatsi.

Umugabo n’umugore we barimo bimukira mu nzu y’amacumbi ya F imaze umunsi umwe yuzuye. Iyo abubatsi bimukiye muri ayo mazu, bigabanya amafaranga yakoreshwaga mu kwishyura ubukode n’ingendo kandi bigatuma abakozi bakora neza.

Nijoro abubatsi bo mu isosiyete y’ubwubatsi barimo bamena beto ahazubakwa parikingi. Inyuma yaho hari inzu y’amacumbi ya B.

Umugabo n’umugore we barimo bakata ameza azakoreshwa mu gikoni. Iyo bayakatiye mu gikoni aho azashyirwa bituma atazangirika mu gihe cyo kwimuka.