Fiji

• Ku wa Kane, tariki ya 17 Ukuboza 2020, inkubi y’umuyaga ikaze yiswe Yasa yibasiye ikirwa cyo muri Fiji kitwa Vanua Levu, kikaba ari cyo cya kabiri mu bunini

• Mu mateka ya Fiji, Yasa ni yo nkubi y’umuyaga ya kabiri yashegeshe icyo kirwa. Uwo muyaga wari ku muvuduko w’ibirometero 260 ku isaha

• Mu duce twagezweho n’icyo kiza hari amatorero n’amatsinda nibura 30

• Nta muvandimwe cyangwa mushiki wacu wakomeretse

• Amakuru yahise atangwa avuga ko imiryango 20 yavanywe mu byayo

• Iyo nkubi y’umuyaga yangije imyaka myinshi, kandi ababwiriza 430 bo muri ako gace ahanini batunzwe n’ubuhinzi

• Amazu 10 yarasenyutse

• Amazu 25 yarangiritse

• Inzu y’Ubwami 1 yarangiritse bidakabije

• Ibiro by’ishami byo muri Fiji, byashyizeho komite eshatu zishinzwe ubutabazi. Izo komite zahaye abo babwiriza amazi yo kunywa, imyenda, ibyokurya n’amahema. Nanone zafashije abavanywe mu byabo kubona amacumbi

• Abahagarariye ibiro by’ishami byo muri Fiji n’abagenzuzi b’uturere bo muri ako gace barimo barasura abo babwiriza kugira ngo babahumurize

• Abakora ibikorwa by’ubutabazi n’abahumuriza abo babwiriza, bose bubahiriza amabwiriza yo kwirinda COVID-19

Nubwo iyo nkubi y’umuyaga yatumye abavandimwe na bashiki bacu batakaza ibintu byinshi, bibonera ko amagambo yo muri Zaburi ya 46:1 ari ukuri. Agira ati: “Imana ni yo buhungiro bwacu.”