Mu mpera z’ukwezi kwa Nyakanga 2024, umuyaga witwa Typhoon Gaemi a wayogoje agace k’uburengerazuba bw’Inyanja ya Pasifika. Nubwo umuyaga ukomeye utageze muri Filipine, wateje imvura nyinshi, imyuzure n’inkangu mu mujyi wa Manila no mu duce two hafi yaho. Ugereranyije abantu babarirwa muri miriyoni 4 n’ibihumbi 800 bahuye n’ibibazo byinshi kubera iyo myuzure. Abantu barenga 600.000 bavuye mu byabo kandi abagera kuri 39 bahitanywe n’ibyo biza.

• Nta n’umwe mu bavandimwe na bashiki bacu wapfuye cyangwa ngo akomereke

• Ababwiriza 155 bavanywe mu byabo ariko abenshi bamaze gusubira mu ngo zabo

• Amazu 2 yarasenyutse

• Amazu 11 yarangiritse cyane

• Amazu 42 yarangiritse bidakabije

• Amazu y’Ubwami 11 yarangiritse bidakabije

• Hashyizweho Komite z’Ubutabazi 6 kugira ngo ziyobore ibikorwa byo gufasha abahuye n’ibiza

• Abagenzuzi basura amatorero hamwe n’abasaza b’itorero barimo guhumuriza abantu bahuye n’imyuzure kandi bakabafasha kubona ibyo bakeneye

Dukomeje gusenga dusabira abahuye n’ibyo biza, kandi dushimira Yehova we utuma tugira umutekano kuko afasha abavandimwe na bashiki bacu.​—Yesaya 33:6.