26 KAMENA 2017
GWATEMALA
Umutingito ukaze wibasiye agace ko hafi ya Gwatemala ku mupaka wa Megizike
Abahamya ba Yehova barimo barafasha abantu bibasiwe n’umutingito ukaze wabaye mu burengerazuba bwa Gwatemala hafi y’umupaka wa Megizike kuwa gatatu tariki ya 14 Kamena 2017. Dukurikije ibyavuzwe mu makuru, uwo mutingito wari uri ku gipimo cya 6.9 wahitanye abantu bagera kuri batanu kandi uteza n’inkangu ahantu hamwe na hamwe.
Nta muhamya wa Yehova wahitanywe n’uwo mutingito cyangwa ngo akomereke. Icyakora hari amazu yo gusengeramo agera kuri 11 yangiritse hamwe n’ingo z’abantu zigera kuri 17. Ibiro by’ishami byo muri Amerika yo Hagati biri mu mugi wa Mexico byashyizeho komite eshatu z’ubutabazi muri Gwatemala kugira ngo zimenye ibyangiritse n’imfashanyo zikenewe kugira ngo bafashe abibasiwe n’uwo mutingito.
Inteko Nyobozi y’Abahamya ba Yehova ikorera ku cyicaro cyabo gikuru, igenzura imirimo y’ubutabazi ikoresheje amafaranga yatanzweho impano zo gushyigikira umurimo ukorerwa ku isi hose.
Ushinzwe amakuru:
Ku rwego mpuzamahanga: David A. Semonian, Ibiro Bishinzwe Amakuru, +1-845-524-3000
Megizike: Gamaliel Camarillo, +52-555-133-3048
Gwatemala: Juan Carlos Rodas, +502-5967-6015
Ibindi wamenya
AMAKURU
Abahamya ba Yehova bahumurije abagezweho n’umutingito mu Butaliyani
Muri gahunda yakozwe ku isi hose yo guhumuriza abantu, Abahamya ba Yehova bo mu Butaliyani bahumurije abibasiwe n’umutingito wabaye mu karere ka Lazio, Marche n’aka Umbria.
AMAKURU
Abahamya ba Yehova bo hirya no hino ku isi bakusanyije imfashanyo zo gufasha abibasiwe n’umutingito muri Nepali
Abahamya bo mu bihugu bitandatu hamwe na Komite Ishinzwe Ubutabazi yo muri Nepali barafasha abantu mu buryo bw’umubiri, mu buryo bw’umwuka kandi bakabahumuriza.