23 MUTARAMA 2024 | YAHUJWE N’IGIHE, TARIKI YA 18 Mata 2024
AMAKURU YO KU ISI HOSE

AMAKURU MASHYA—UMUVANDIMWE MAKSIM YAHAMIJWE ICYAHA | “Ibintu byose birashoboka ku muntu ufite ukwizera”

FUNGURA

Ku itariki ya 16 Mata 2024, urukiko rw’akarere ka Nakhimovskiy, mu mujyi wa Sevastopol rwahamije icyaha umuvandimwe Maksim Zinchenko kandi rumuha igihano cyo kumara imyaka ibiri akora imirimo y’agahato. Azashyirwa muri gereza kandi akorere imirimo mu gace azoherezwamo.

Icyo twamuvugaho

Maksim Zinchenko

Igihe yavukiye: 1992 (Ukraine)

Ibimuranga: yakoze akazi k’ubusuderi

Yakuriye mu muryango w’Abahamya ba Yehova. Yabatijwe mu mwaka wa 2006

Yashakanye na Karina mu mwaka wa 2015

Ibyo yavuze

Ni uwuhe murongo wo muri Bibiliya wagufashije?

Umwe mu mirongo nkunda ni uwo muri Mariko 9:23, ahavuga ngo: “Ibintu byose birashoboka ku muntu ufite ukwizera.” Ayo magambo atuma ndushaho kugira ubutwari. Kubera ko mbere yo kujya kwitaba urukiko nabaga mfite ubwoba, nasubiragamo ayo magambo inshuro nyinshi. Nanone nasabaga Yehova ngo amfashe kuvuga nshize amanga. Inshuro nyinshi navaga mu cyumba cy’urukiko nishimye bitewe n’ibintu byiza Yehova yabaga yamfashije kugeraho. Nibonera ko icy’ingenzi kuruta ibindi muri iki gihe ari ukuba hafi ya Yehova. Igihe cyose azaba ari kumwe nanjye, azamfasha kwihanganira ikintu icyo ari cyo cyose kizambaho.

Twiringiye ko Yehova azagororera abantu bose bafite ubutwari no kwihangana nk’ibyagaragajwe na Maksim, kimwe n’abandi bakomeje gukora ibyo ashaka.—Abaheburayo 10:35, 36.

Uko ibintu byakurikiranye

Ku itarik ya 17 Gicurasi 2023

Urukiko rwamushinje ko yifatanya n’umuryango ukora ibikorwa by’ubutagondwa
Ku itariki ya 22 Gicurasi 2023

Abashinzwe umutekano basatse inzu yabo. Bahase ibibazo Maksim na Karina. Maksim bagiye kumufunga
Ku itariki ya 24 Gicurasi 2023

Maksim yarafunguwe ariko ntiyari yemerewe kuva mu rugo
Ku itariki ya 12 Nyakanga 2023

Urubanza rwaratangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU